ꦒꦣꦺꦴ-ꦒꦣꦺꦴ
ꦗꦮ
|
ꦒꦣꦺꦴ-ꦒꦣꦺꦴ ꦩꦶꦤꦁꦏ ꦱꦭꦃ ꦱꦮꦶꦗꦶꦤꦶꦁ ꦥꦔꦤ꧀ꦤꦤ꧀ ꦏꦁ ꦲꦱꦭ꧀ꦭꦺ ꦱꦏ ꦆꦤ꧀ꦝꦺꦴꦤꦺꦱꦶꦪ ꦲꦮꦸꦗꦸꦢ꧀ ꦗꦔꦤ꧀ꦤꦤ꧀ ꦏꦁ ꦢꦶꦒꦺꦴꦣꦺꦴꦒ꧀ ꦭꦤ꧀ ꦢꦶꦕꦩ꧀ꦥꦸꦂ ꦢꦢꦶ ꦱꦶꦗꦶ ꦔꦁꦒꦺꦴ ꦱꦩ꧀ꦧꦼꦭ꧀ ꦏꦕꦁ (ꦲꦸꦠꦮ ꦱꦩ꧀ꦧꦼꦭ꧀ ꦏꦁ ꦢꦶꦒꦮꦺ ꦱꦏ ꦏꦕꦁ ꦏꦫꦺꦴ ꦒꦸꦭ ꦗꦮ ꦏꦁ ꦢꦶꦲꦸꦊꦒ꧀), ꦧꦚ꧀ꦗꦸꦂ ꦢꦶꦮꦺꦤꦺꦃꦲꦶ ꦲꦼꦤ꧀ꦝꦺꦴꦒ꧀ ꦲꦶꦫꦶꦱ꧀ꦱꦤ꧀. ꦲꦸꦩꦸꦩ꧀ꦩꦺ ꦲꦏꦺꦃ ꦏꦁ ꦚꦩ꧀ꦥꦸꦂꦫꦏꦺ ꦏꦼꦤ꧀ꦛꦁ ꦒꦺꦴꦣꦺꦴꦒ꧀ ꦏꦁ ꦮꦶꦱ꧀ ꦢꦶꦲꦸꦊꦒ꧀ ꦏꦁꦒꦺꦴ ꦱꦩ꧀ꦧꦼꦭ꧀ ꦒꦣꦺꦴ-ꦒꦣꦺꦴ. ꦕꦫꦤꦺ ꦪꦲꦶꦏꦸ ꦏꦼꦤ꧀ꦛꦁ ꦢꦶꦲꦺꦴꦭꦃ ꦧꦉꦁ ꦏꦫꦺꦴ ꦱꦩ꧀ꦧꦼꦭ꧀ ꦏꦕꦁꦔꦺ. ꦱꦮꦶꦱ꧀ꦱꦺ ꦱꦩ꧀ꦧꦼꦭ꧀ ꦢꦶꦕꦩ꧀ꦥꦸꦂꦫꦏꦺ ꦏꦫꦺꦴ ꦗꦔꦤ꧀ꦤꦤ꧀ ꦩꦲꦸ, ꦧꦚ꧀ꦗꦸꦂ ꦢꦶꦮꦺꦤꦺꦃꦲꦶ ꦧꦮꦁ ꦒꦺꦴꦫꦺꦁ, ꦲꦼꦩ꧀ꦥꦶꦁ ꦒꦺꦴꦫꦺꦁ, ꦭꦤ꧀ ꦧꦶꦱ ꦲꦸꦸꦒ ꦏꦿꦸꦥꦸꦏ꧀.
ꦒꦣꦺꦴ-ꦒꦣꦺꦴ ꦢꦶꦥꦔꦤ꧀ ꦔꦸꦤꦸ ꦮꦲꦺ ꦔꦁꦒꦺꦴ ꦱꦩ꧀ꦧꦼꦭ꧀ ꦏꦕꦁ, ꦲꦤꦔꦶꦁ ꦲꦸꦒ ꦧꦶꦱ ꦢꦶꦥꦔꦤ꧀ ꦧꦼꦧꦉꦁꦔꦤ꧀ ꦏꦫꦺꦴ ꦱꦼꦒ ꦥꦸꦠꦶꦃ ꦲꦸꦠꦮ ꦭꦺꦴꦤ꧀ꦛꦺꦴꦁ.
ꦱꦗꦫꦃ besut
ꦒꦣꦺꦴ-ꦒꦣꦺꦴ ꦲꦤ ꦩꦺꦴꦭꦲꦶ ꦤꦭꦶꦏ ꦏꦱꦸꦭ꧀ꦠꦤ꧀ꦤꦤ꧀ ꦩꦠꦫꦩ꧀ ꦏꦁ ꦢꦶꦥꦶꦩ꧀ꦥꦶꦤ꧀ ꦱꦸꦭ꧀ꦠꦤ꧀ ꦲꦒꦸꦁ ꦚꦼꦂꦧꦸ ꦧꦠꦥ꦳ꦶꦪ ꦲꦶꦏꦸ ꦏꦼꦤ꧀ꦠꦺꦏ꧀ꦏꦤ꧀ ꦥꦔꦤ꧀ꦤꦤ꧀ ꦏꦪ ꦠ ꦮꦺꦴꦱ꧀. ꦱꦭꦶꦪꦤꦺ ꦲꦶꦏꦸ ꦭꦸꦩ꧀ꦧꦸꦁ-ꦭꦸꦩ꧀ꦧꦸꦁ ꦮꦺꦴꦱ꧀ ꦲꦶꦁ ꦱꦲꦸꦧꦼꦁꦔꦺ ꦧꦠꦥ꦳ꦶꦪ ꦢꦶꦲꦺꦴꦧꦺꦴꦁ ꦢꦺꦤꦶꦁ VOC, ꦱꦲꦶꦁꦒ ꦥꦿꦗꦸꦫꦶꦠ꧀ ꦮꦫꦺꦴꦏ꧀ ꦱꦏ ꦥꦤꦫꦒ ꦏꦁ ꦲꦤ ꦲꦶꦁ ꦥꦱꦸꦏꦤ꧀ ꦥꦼꦫꦁꦔꦺ ꦱꦸꦭ꧀ꦠꦤ꧀ ꦲꦒꦸꦁ ꦒꦮꦺ ꦱꦩ꧀ꦧꦼꦭ꧀ ꦥꦼꦕꦼꦭ꧀ ꦱꦏ ꦏꦕꦁ, ꦧꦚ꧀ꦗꦸꦂ ꦢꦶꦱꦶꦫꦩ꧀ꦩꦏꦺ ꦩꦼꦚꦁ ꦗꦼꦗꦔꦤ꧀ꦤꦤ꧀ ꦲꦼꦤ꧀ꦠꦃ ꦏꦁ ꦲꦤ ꦲꦶꦁ ꦱꦮꦃ ꦏꦁꦒꦺ ꦥꦔꦸꦫꦶꦥ꧀ꦥꦤ꧀ ꦱꦠꦼꦫꦸꦱ꧀ꦱꦺ ꦮꦪꦃ ꦥꦼꦫꦁ. ꦥꦏꦂꦪꦤ꧀ ꦲꦶꦏꦶ ꦲꦶꦁ ꦧꦱ ꦗꦮ ꦢꦶꦲꦫꦤ꧀ꦤꦶ ꦒꦣꦺꦴ ꦱꦶꦁ ꦠꦼꦒꦼꦱ꧀ꦱꦺ ꦩꦔꦤ꧀ ꦠꦤ꧀ꦥ ꦱꦼꦒ ꦲꦸꦠꦮ ꦩꦔꦤ꧀ ꦩꦸꦁ ꦭꦮꦸꦃꦲꦺ. ꦲꦥ ꦏꦁ ꦢꦶꦠꦶꦤ꧀ꦢꦏ꧀ꦏꦏꦺ ꦢꦺꦤꦶꦁ ꦮꦫꦺꦴꦏ꧀-ꦮꦫꦺꦴꦏ꧀ ꦲꦶꦏꦶ ꦢꦶꦠꦸꦠ꧀ꦠꦏꦺ ꦢꦺꦤꦶꦁ ꦥꦿꦗꦸꦫꦶꦠ꧀ ꦭꦶꦪꦤꦺ, ꦪ ꦲꦶꦏꦸ ꦩꦔꦤ꧀ ꦗꦼꦗꦔꦤ꧀ꦤꦤ꧀ ꦱꦲꦤꦤꦺ ꦧꦚ꧀ꦗꦸꦂ ꦢꦶꦱꦶꦫꦩ꧀ ꦧꦸꦩ꧀ꦧꦸ ꦱꦩ꧀ꦧꦼꦭ꧀ ꦥꦼꦕꦼꦭ꧀.
ꦲꦶꦱꦶꦤꦺ besut
ꦗꦔꦤ꧀ꦤꦤ꧀ besut
ꦗꦔꦤ꧀ꦤꦤ꧀ ꦏꦁ ꦢꦶꦒꦸꦤꦏ꧀ꦏꦏꦺ ꦧꦶꦱ ꦩꦤꦺꦏ ꦮꦂꦤ, ꦲꦤꦔꦶꦁ ꦗꦔꦤ꧀ꦤꦤ꧀ ꦏꦁ ꦲꦱꦿꦶꦁ ꦢꦶꦒꦸꦤꦏ꧀ꦏꦏꦺ ꦪꦲꦶꦏꦸ:
- ꦲꦶꦗꦺꦴ-ꦲꦶꦗꦺꦴ ꦏꦁ ꦢꦶꦲꦶꦫꦶꦱ꧀ ꦲꦭꦸꦱ꧀ ꦏꦪ ꦠ ꦱꦼꦭꦢ, ꦏꦺꦴꦧꦶꦱ꧀, ꦏꦼꦩ꧀ꦧꦁ ꦏꦺꦴꦭ꧀, ꦏꦕꦁ, ꦧꦸꦚ꧀ꦕꦶꦱ꧀, ꦭꦤ꧀ ꦠꦺꦴꦒꦺ.
- ꦗꦔꦤ꧀ꦤꦤ꧀ ꦭꦶꦪꦤꦺ ꦏꦪ ꦠ ꦮꦺꦴꦂꦠꦼꦭ꧀ ꦭꦤ꧀ ꦠꦶꦩꦸꦤ꧀.
- ꦠꦺꦴꦩꦠ꧀
- ꦏꦼꦤ꧀ꦛꦁ ꦒꦺꦴꦣꦺꦴꦒ꧀ ꦗꦁ ꦢꦶꦲꦶꦫꦶꦱ꧀
- ꦲꦼꦤ꧀ꦝꦺꦴꦒ꧀ ꦒꦺꦴꦣꦺꦴꦒ꧀
- ꦠꦺꦩ꧀ꦥꦺ
- ꦠꦲꦸ
- ꦗꦒꦸꦁ
ꦗꦔꦤ꧀ꦤꦤ꧀ ꦏꦁ ꦢꦶꦒꦸꦤꦏ꧀ꦏꦏꦺ ꦪꦲꦶꦏꦸ ꦏꦁ ꦲꦶꦱꦶꦃ ꦩꦼꦤ꧀ꦠꦃ, ꦏꦗꦧ ꦲꦼꦤ꧀ꦝꦺꦴꦒ꧀ ꦭꦤ꧀ ꦏꦼꦤ꧀ꦛꦁ ꦒꦺꦴꦣꦺꦴꦒ꧀. ꦲꦤꦔꦶꦁ ꦧꦶꦱ ꦲꦸꦒ ꦏꦺꦴꦧꦶꦱ꧀ ꦭꦤ꧀ ꦏꦼꦩ꧀ꦧꦁ ꦏꦺꦴꦭ꧀ ꦩꦲꦸ ꦢꦶꦒꦺꦴꦣꦺꦴꦒ꧀ ꦣꦶꦱꦶꦏ꧀ ꦲꦸꦠꦮ ꦢꦶꦢꦁ. ꦲꦶꦱꦶꦤꦺ ꦒꦣꦺꦴ-ꦒꦣꦺꦴ.
ꦱꦩ꧀ꦧꦼꦭ꧀ ꦏꦕꦁ besut
ꦱꦭꦃ ꦱꦶꦗꦶꦤꦺ ꦏꦁ ꦩ꧀ꦧꦺꦢꦏ꧀ꦏꦏꦺ ꦒꦣꦺꦴ-ꦒꦣꦺꦴ ꦱꦏ ꦱꦭꦢ꧀ ꦗꦔꦤ꧀ꦤꦤ꧀ ꦭꦶꦪꦤꦺ ꦪꦲꦶꦏꦸ ꦱꦩ꧀ꦧꦼꦭ꧀ ꦏꦕꦁ ꦏꦁ ꦢꦶꦒꦸꦤꦏ꧀ꦏꦏꦺ. ꦱꦩꦸꦧꦫꦁ ꦱꦶꦁ ꦢꦶꦒꦸꦤꦏ꧀ꦏꦏꦺ ꦏꦁꦒꦺꦴ ꦔ꧀ꦒꦮꦺ ꦱꦩ꧀ꦧꦼꦭ꧀ ꦏꦕꦁ ꦧꦶꦱ ꦲꦸꦒ ꦧꦺꦢ-ꦧꦺꦢ, ꦏꦁ ꦲꦸꦩꦸꦩ꧀ ꦢꦶꦒꦸꦤꦏ꧀ꦏꦏꦺ ꦪꦲꦶꦏꦸ:
- ꦏꦕꦁ ꦱꦶꦁ ꦮꦶꦱ꧀ ꦢꦶꦲꦸꦊꦒ꧀
- ꦧꦮꦁ ꦥꦸꦠꦶꦃ
- ꦭꦺꦴꦩ꧀ꦧꦺꦴꦏ꧀
- ꦩꦿꦶꦕ
- ꦧꦚꦸ ꦗꦼꦫꦸꦏ꧀ ꦤꦶꦥꦶꦱ꧀
- ꦲꦸꦪꦃ
- ꦭꦤ꧀ ꦒꦸꦭ ꦗꦮ
ꦧꦶꦱ ꦲꦸꦒ ꦢꦶꦮꦺꦤꦺꦃꦲꦶ:
ꦢꦊꦁ ꦲꦸꦒ besut
- ꦥꦼꦕꦼꦭ꧀, ꦗꦶꦤꦶꦱ꧀ ꦥꦔꦤ꧀ꦤꦤ꧀
- ꦏꦫꦺꦣꦺꦴꦏ꧀, ꦥꦔꦤ꧀ꦤꦤ꧀ ꦭꦶꦪꦤꦺ ꦏꦁ ꦥꦣ
- ꦫꦸꦗꦏ꧀, ꦥꦔꦤ꧀ꦤꦤ꧀ ꦱꦏ ꦆꦤ꧀ꦝꦺꦴꦤꦺꦱꦶꦪ
- ꦭꦺꦴꦠꦺꦏ꧀, ꦗꦶꦤꦶꦱ꧀ ꦥꦔꦤ꧀ꦤꦤ꧀ ꦏꦁ ꦫꦢ ꦥꦣ
- ꦩꦸꦥꦔꦠ꧀ꦠꦺ ꦗꦔꦤ꧀ꦤꦤ꧀ ꦭꦤ꧀ ꦮꦺꦴꦃ-ꦮꦺꦴꦃꦲꦤ꧀ (pdf)
- ꦕꦫꦤꦺ ꦔ꧀ꦒꦮꦺ ꦒꦣꦺꦴ-ꦒꦣꦺꦴ ꦱꦶꦫꦩ꧀ [1]
- ꦕꦫꦤꦺ ꦔ꧀ꦒꦮꦺ ꦒꦣꦺꦴ-ꦒꦣꦺꦴ Archived 2015-03-20 at the Wayback Machine.
- ꦉꦱꦺꦥ꧀ ꦏꦺꦴꦩ꧀ꦥ꧀ꦭꦶꦠ꧀