Académie française
Académie française, kerep sinebut l'Académie, ya iku sawijining organisasi kang ngupakara basa Prancis.[1] Peran utama saka Académie française ya iku kanggo ngatur basa Prancis kanthi nemtokake standar tataning basa lan tetembungan kang bisa ditampa, sarta bisa adhaptasi kanthi owahing linguistik kanthi nambahi tembung-tembung anyar lan ngowahi teges-teges kang wis ana.[1] Amarga status basa Inggris ing donya, tugas Académie iki kapara fokus ngurangi mlebuné istilah basa Inggris ing basa Prancis kanthi milih utawa nyiptakaké pepadhan ing Basa Prancis.[1]
Fungsi mligi besut
Académie bakal ngupaya kanthi perawatan lan ketekunan kanggo mènèhi paugeran kang mesthi lan gawé supaya murni, fasih, lan sanggup sesandhingan karo seni lan ngèlmu kawruh.-Pasal 24 [1]
Sajarah besut
Académie française diciptakaké déning Kardinal Richelieu sangisoré Louis XIII taun 1635, lan kang wiwitan Dictionnaire de l'Académie française dibabar taun 1694 kanthi 18.000 istilah. Edhisi pepak paling anyar-tanggal 8-rampung taun 1935 lan isiné 35.000 tembung. Edhisi candhaké ya iku saiki lagi dianakaké-volume I lan II dibabar taun 1992 lan 2000, lan ing antarané mau nutupi A nganti Mappemonde. Sawisé rampung, edhisi 9 kamus Académie bakal ngamot watara 60.000 tembung. Wigati banget kanggo dicathet yèn kamus iki dudu kamus definitif, amarga lumrahé ora kalebu tembung kuna, ofensif, gaul, kusus, lan kosa kata tlatah.
Anggotané saiki besut
Anggota Académie française saiki diurutake miturut nomer kursi: