Alfred E. Goodey
Alfred Edward Goodey (1878-1945) inggih punika satunggaling kolèktor lukisan, cithakan lan foto mliginipun ingkang wonten gegayutanipun kaliyan laladan kutha Midlands Derby.
| Alfred Edward Goodey | |
|---|---|
 Goodey sakiwa-tengené 1936 | |
| Lair | 1878 Derby |
| Pati | 1945 Derby |
| Bangsa | Inggris |
| Wiyata | Sekolah Seni Derby |
| Kondhang ing | Dermawan lan kolèktor seni |
| Wong tuwa | William Henry lan Rhoda |
Biografi besut
Tiyang sepuhipun Alfred Edward Goodey punika William Henry Goodey lan Rhoda Strutt. Alfred Edward Goodey wiyos wonten ing Derby nalika taun 1878.[1] Alfred Edward Goodey dipundhidhik wonten ing griya lan ugi wonten ing Sekolah Whitworth saderengipun mlebet Sekolah Seni Derby.[2] Alfred Edward Goodey wiwit ngoleksi manéka lukisan cèt lenga, lukisan cèt toya, cithakan lan foto ing taun 1886. Piyambakipun madosi dumugi ing Amérika kanggé sadaya ingkang wonten gegayutanipun kaliyan Derby. Alfred Edward Goodey ugi nyuwun dhateng seniman supados nglukis sesawangan kontèmporèr Derby. Piyambakipun punika rumaos kuwatir bilih ing sawijining dinten laladan mau risak lan éwah awit saking punika piyambakipun kedah ngrekam samubarangipun.[2]
Goodey ketarik kaliyan samubarang kalebet sajarah babagan alam lan mlampah-mlampah wonten ing Derbyshire. Piyambakipun punika aktor amatir karya Shakespeare ingkang madegaken kempalan lokal lan ugi ngatur drama "The Loft" kanggé gladhèn ing papan ingkang celak kaliyan griyanipun wonten ing Lambourne Road. Piyambakipun punika dipungambaraken minangka tiyang jaler kutha mawi kathok komperang mawi janggut lan jénggot ingkang asring medal wonten ing pub ingkang favorit ing Sadler Gate lajeng jagongan babagan prastawa padintenan. Nanging remenipun marang seni ingkang mbeta piyambakipun dados ketua Derby Sketching Club lan gadhah mripat ingkang awas dhumateng lukisan ingkang ndadosaken piyambakipun kecathetan wonten ing sajarah Derby saéngga piyambakipun dados kondhang.[2]
Alfred Edward Goodey punika damel cathetan ingkang luar biyasa babagan Derby ingkang ngrekam abad kaping 19 lan ugi wiwitan abad kaping 20. Nalika ing taun 1936 Alfred Edward Goodey maringaken langkung saking 500 lukisan dhateng Musiyum lan Gladri Seni Derby.[3] Alfred Edward Goodey tilar donya wonten ing taun 1945 lan musiyum punika boten namung dados papan kanggé kolèksi Alfred Edward Goodey nanging ugi dados papan kanggé kolèksi lukisan paling ageng karyanipun Joseph Wright. Koleksi Alfred Edward Goodey punika kalebet lukisan karya Alfred John Keene, anggota kulawarga Keene ing Derby ingkang kalebet bapakipun lan ugi fotografer Richard Keene ingkang nerbitaken Derby Telegraph, sarta sedhèrèkipun William Caxton Keene. Tiga saking lukisan ingkang dipunparingaken dhateng Museum lan Gladri Seni Derby déning Alfred Edward Goodey punika karya saking seniman Ernest Ellis Clark. Ingkang sanèsipun punika karya C.T. Moore. Gambar-gambar koleksinipun sampun dipunterbitaken déning Dewan Kota Derby wonten ing buku 'Goodey's Derby'.[2]
Cathetan suku besut
- ↑ "Alfred Goodey". GRO Birth index. Diarsip saka sing asli ing 2010-11-10. Dibukak ing 2013-03-15. - Goodey family tree
- ↑ a b c d Allard, Sarah; Nicola Rippon (2003). Goodey's Derby. Breedon Books. kc. 1. ISBN 1 85983 379 9.
- ↑ "Derbyshire artists". Derbyshire UK.
Pranala njawi besut
- "Derbyshire artists". Derbyshire UK.