Ashadi Siregar
Ashadi Siregar kondhang minangka panganggit novèl populèr kang tokohé mahasiswa.[1] Ashadi lair ana Pematang Siantar, Sumatra Lor, ing 3 Juli 1945.[1] Bapaké asma Abdul Azis Siregar, ibuné asma Ny. N. H. Azis Siregar.[1]
| Ashadi Siregar | |
|---|---|
| Lair | 3 Juli 1945 Pematang Siantar, Sumatra Lor |
| Pakaryan | Sastrawan, wartawan, dhosèn |
| Wong tuwa | Abdul Azis Siregar, Ny. N. H. Azis Siregar |
Pawiyatan besut
Ashadi namataké sekolah dhasar ana Prapat, Sumatra Lor, taun 1958.[1] Nerusaké SMP ana Prapat, tamat 1961.[1] Banjur ana SMA Negeri Padang Sidempuan milih pérangan B tamat 1964.[1]
Nalikane umur 19, dhèwèké péngin sinau jurnalistik amarga kainspirasi saka tokoh jurnalistik Tirto Adhi Soerjo.[2] Taun 1964, mèlu kuliah ana Jurusan Publisistik, Fakultas Sosial Pulitik, Universitas Gadjah Mada, éntuk gelar sarjana taun 1970.[1][2] Nanging, nalikané lumebu, dhèwèké kagèt amarga nèng kana ora diajari jurnalismé babar blas.[2] Suwasana jaman iku (Rezim Lawas) marakaké dhèwèké sinau junalismé dhéwé (otodidak).[2] Nanging dhèwèké tetep nerusaké pawiyatané kanggo ngurmati wong tuwané.[2] Amarga iku, dhèwèké ora nerusaké pawiyatané nganti tingkat master lan doktoral.[2] Kanggo dhèwèkné, gelar pawiyatan iku ora wigati, sing wigati ya iku pakaryané sawijining wong ana babagan kang ditresnani.[2]
Pakaryan besut
Kawit éntuk gelar sarjana publisistik, dhèwèké manggon ana Yogyakarta lan makarya minangka dhosèn enom ana jurusan publisistik iku.[1]
Ashadi sepisanan lumebu ana donya jurnalistik ing 1971, nalika dhèwèké ngedhegaké kalawarti minggon Sendi karo kanca-kancane kaya ta Daniel Dhakidae lan Zulkifly Lubis.[2] Ashadi dadi kepala édhitor ana kono.[2] Émané, kalawarti iku dilarang déning Soeharto sawisé edhisi 13 amarga kritik tajam ngenani rencana pamaréntah kanggo yasa Taman Mini Indonesia Indah.[2] Pengadilan mutusaké dhèwèké salah amarga ngina nagara lan présidhèn.[2] Dhèwèké ditibani ukuman percobaan setaun kunjara.[2]
Bubar iku, dhèwèké lumebu ana donya anyar, dhèwèké nulis 12 novèl.[2]
Karya besut
Dhèwèké nulis trilogi Cintaku di Kampus Biru.[2] Dèwèké nulis Cintaku di Kampus Biru ing 1972 lan diemot minangka cerita sambung ana Kompas taun 1972.[1] Novèl iki kondhang ing kalanganing nom-noman taun 1980-an.[3]
Cathetan suku besut
- ↑ a b c d e f g h i Dendy Sugono 2003, kc. 41.
- ↑ a b c d e f g h i j k l m n Kuswandini, Dian (4 August 2010). "Ashadi Siregar: Journalism at Heart". The Jakarta Post. Dibukak ing 9 August 2016.
- ↑ Irianto, D. (16 April 2015). "Ashadi Siregar, Dhakidae, dan Hotman jual yasan pendidikan di DIY". The Jakarta Post. Diarsip saka sing asli ing 13 July 2015. Dibukak ing 9 August 2016.
Bibliografi besut
- Dendy Sugono, èd. (2003). Ensiklopedia Sastra Indonesia Modern. Bandung: Remaja Rosdakarya. ISBN 979-692-283-5.
Pranala njaba besut
- Laman web Ashadisiregar's Weblog
- Laman web Sorot Jogja Archived 2015-03-22 at the Wayback Machine.
- Laman web The Jakarta Post
- Laman web Lensa Indonesia Archived 2015-07-13 at the Wayback Machine.