Bèntèng Frederik Hendrik
Bèntèng Frederik Hendrik inggih punika satunggalipun bètèng ingkang dipundamel déning Walandi ing Taman Wihelmina Jakarta.[1] Sapunika panggènan tilas wangunan bètèng punika dipunyasa Masjid Istiqlal.[1]
_TMnr_10015199.jpg)
Sajarah besut
Gubernur Jenderal Johannes van den Bosch punika dados arsitèk saking garis pertahanan ingkang gadhah nama Defensieljn van den Bosch.[2] Garis Pertahanan ingkang salajengipun dipunnyatakaken gagal amargi kirang manpaatipun punika kagelar saking pojok kidul margi Bungur Besar ing wingkingipun Stasiun Senen, ngantos dumugi lèr.[2] Saking pojok ingkang lèr kasebat garis pertahanan lajeng dipunterasaken tumuju sisih kilèn nglangkungi Sawah Besar, Krekot, Gang Ketapang, lajeng ménggok mangidul nglangkungi Petojo ngantos sisih kilèn lapangan Monumen Nasional (Monas).[2] Saking punika garis pertahanan punika taksih dipunlajengaken ngantos Tanah Abang, ménggok ngétan nglangkungi margi Kebon Sirih, brug (kreteg)Prapatan lan Kramat Bunder.[2]
Bèntèng Frederik Hendrik dipunyasa ing taun 1834 déning Gubernur Jenderal Johannes van den Bosch.[2] Kabaripun ing benthéng sepuh ingkang sampun dangu dipunbongkar punika wonten trowongan dhateng Pasar Ikan.[2] Loncéng ingkang sanajan sampun sepuh nanging taksih saged dipun-ginakaken kanthi saé꧋ punika wonten ing toko arloji kagunganipun tiyang Walandi ing Rijswijk.[2] Nama toko kasebat inggih punika "Van Arken".[2]
Ing jaman panjajahan Walandi, Bèntèng Frederik Hendrik ing wayah siyang lan dalu tansah dipunjagi déning tamtama.[2] Saking bètèng punika saben jam 05.00 lan 20.00 tansah dipunungelaken swanten mriem.[2] Angkah témbakan mriem punika minangka tandha tumrap para tamtama kémawon.[2]
Pranala njawi besut
Cathetan suku besut
| Artikel iki minangka artikel rintisan. Kowé bisa ngéwangi Wikipédia ngembangaké. |