Badan Penyehatan Perbankan Nasional
Badan Penyehatan Perbankan Nasional utawi ingkang asring dipuncekak BPPN inggih punika salah satunggaling lembaga independen ingkang dipunbentuk déning pamaréntah Républik Indonésia kanthi adhedasar Undhang-undhang Nomor 27 Taun 1998 ngèngingi Pembentukan BPPN.[1] Badan punika dipunbentuk kanthi tugas pokok kanggé nyehataken perbankan, ngrampungaken aset ingkang gadhah masalah lan ngupayakaken kanggé ngonduraken arta nagara ingkang dipunsaluraken wonten ingsektor perbankan. Amargi lampahing karya kirang ngasilaken, mila ing jaman pamarentahanipun Présidhèn Megawati Soekarnoputri, lembaga punika dipunbubaraken ing tanggal 27 Pebruari 2004 dhedhasar Dudutan Présidhèn Nomor 15 Taun 2004 ngengingi rampungipun tugas lan dipunbubaraken BPPN.[2] Boten namung punika, Présidhèn Megawati Soekarno Putri ugi nunjuk Mantri Kauangan Boediono dados Ketua Tim Pemberesan Badan Penyehatan Perbankan Nasional kanthi KEppres Nomor 16 taun 2004 ngengingi dipunbentukipun TIm kanggé nberesaken BPPN. Keppres punika inggih salah satunggal saking sapérangan landhesan hukum ingkang dipunwedalken déning présidhèn ingkang gayut kaliyan dipunbubaraken BPPN. Kanthi dipunwedalaken Keppres punika, mila kanthi resmi BPPN dipunbubaraken.
Lampahing BPPN besut
Pebruari 1998 besut
Pamarentah kanthi Dudutan Présidhèn Nomor 27 Taun 1998 mbentuk BPPN. Tugas pokokipun inggih punika kngge nyehataken perbankan, ngrampungaken aset ingkang taksih dèrèng rampung masalahipun, lan ngupiya saged ngonduraken arta nagara ingkang melebt ing sektor perbankan. Kangge nindakaken misinipun, BPPN dipunsangoni bekel saprangkat wewenang ingkang kaserat wonten ing Keppres No. 34 Taun 1998 ngengingi Tugas lan kewenanganipun Badan Penyehatan Perbankan Nasional minangka landhesan hukup operasional.
September 1998-Juni 1999 besut
GAngsal konglomrat ingkang gadhah bank ngiket piyambakipun dados Master Settlement and Acquisition Agreement (MSAA). Saben konglomerat, inggih punika Sjamsul Nursalim, Mohamad Hasan, Sudwikatmono, Soedono Salim, dan Ibrahim Risjad. Lajeng, sekawan tiyang ingkang gadhah bank inggih punika Kaharudin Ongko, Samadikun Hartono, Usman Admadjaja, lan Hokiarto, nyepakati Master Refinancing and Notes Issues Agreement (MRA). Total asetipun sangang konglomerat ingkang dipunserahaken dhateng BPPN ingkang cacahipun ngantos Rp. 111, 643 triliun.
Ketua BPPN besut
| No | Nama | Awal Jabatan | Akhir Jabatan |
|---|---|---|---|
| 1 | Bambang Subianto | Januari 1998 | Maret 1998 |
| 2 | Iwan Prawiranata | Maret 1998 | 22 Juni 1998 |
| 3 | Glenn MS Yusuf | 22 Juni 1998 | 12 Januari 2000 |
| 4 | Cacuk Sudarijanto | 12 Januari 2000 | 6 November 2000 |
| 5 | Edwin Gerungan | 6 November 2000 | 25 Juni 2001 |
| 6 | I Putu Gede Ary Suta | 25 Juni 2001 | 19 April 2002 |
| 7 | Syafruddin Arsjad Temenggung | 19 April 2002 | 27 Fèbruari 2004 |
Cathetan suku besut
- ↑ Keppres No 27/1998 tentang Pembentukan BPPN Archived 2005-04-20 at the Wayback Machine. (dipunundhuh tanggal 6 Pebruari 2013)
- ↑ Keppres No 15/2004 tentang Pengakhiran Tugas dan Pembubaran BPPN Archived 2005-11-04 at the Wayback Machine. (dipunundhuh tanggal 6 Pebruari 2013)