Batik Gumelam ya iku warisan budaya bangsa kang ana ing wewengkon Kabupatèn Banjarnegara.[1] Batik tulis Gumelem dikembangna ing désa Gumelem, Kacamatan Susukan, Kabupatèn Banjarnegara.[2] Désa Gumelem duwé jarak sakiwa-tengené 45 kilomèter saka Kutha Banjarnegara.[2] Batik Gumelem dadi salah siji kebanggaan kang isih ana nganti tekan saiki.[1] Warisan budaya iki diturunakè saka génerasi marang génerasi ngisorè.[1] Saiki ana sakiwa-tengené 24 perajin bathik asli Gumelem kang yandarakè uripè saka usahanè iku.[1] Warga kang nyandarakè uripè saka bathik gumelem sing akèh ana ing Dusun Dagaran, Désa Gumelem Wétan, Kacamatan Susukan, Kabupatèn Banjarnegara.[1] Batik Gumelem potènsial dikembangkè saka kaca èkonomi, sosial, lan lingkunganè kanggo njurung sèktor pariwisata lan bisa uga dadi salah siwijining jujugan plesiran Kabupatèn Banjarnegara.[3] Sanajan kagunan bathik tulis dikembangkè ana ing wewengkon-wewengkon liya nanging bathik tulis Gumelem duwè kèunikan dhèwè.[2] Kaunikanè ana ing motif bathik kang tanpa pengulangan dadinè motif bathik Gumelem katon luwih luwes.[2] Kejaba saka iku warna dhasar kain kang luwih enom saka warna motifè ndadèkake désain bathik katon tembus utawa bisa didelok saka sisih kekaronè.[2] Motif-motif bathik Gumelem tradhisional kaya ta: Cèbong Kumpul (anak katak berkumpul), Kawung Beton, lan Parang Juanda.[4] Motif liyanè kang ana antaranè merak kembangan, ireng blabur, donya baru tutulan, jagatan tutul baru, kembangan,cendhol wutah, rawisan pare, mega mendung dieng lan jagad sogan.[2] Sajarah bathik Gumelem wis ana wiwitanè Gumelem isih dadi Kademangan.[4] Demang Gumelem nalika iku uga ngawa budaya bathik Mataram ana ing Gumelem, Kabupatèn Banjarnegara.[4] Batik Gumelem luwih ngrembaka wiwit Pèmkab Banjarnegara ngwajibna Pegawènè nganggo bathik Gumelem saben dina sètu sawatawis taun 2006.[4] Saya suwé saben dina Kemis lan Jumat punggawa Pemkab Banjarnegara uga diwajibake nganggo Batik Gumelem.[4] Ora mung pegawè pamaréntahan, saiki masarakat umum uga wis gelem lan bombong nganggo bathik Gumelem kang motif lan warnanè disenengi masarakat Kabupatèn Banjarnegara.[4] Batik Gumelem saiki wis wiwit dikenalakè marang siswa-siswa SD-SD ing Désa Gumelem.[5] Cara ngawè bathik Gumelem umumè ana 3 tahapan, pisanan mernani, kaping pindho mènèhi malam (lilin bathik), lan kaping telu panyoplokan lilin saka kainé.[6] Cara ngawè bathik urutané sing lumrahé ana nyungging, nganji, njaplak, Nglowong lan Ngisèni, Mopok lan nyolèt, Ngelir lan Nyoga, lan Nglorod.[6] Pungkasané kain kang wis dibatik diresiki banjur dipémé nganti garing.[6]

Klampok Banjarnegara

cathetan suku besut

  1. a b c d e Copyright© 1996-2004 SUARA MERDEKA (Dipuntingali tanggal 28 Maret 2011)
  2. a b c d e f Copyright © 2009 Pamaréntah Kabupatèn Banjarnegara, Propinsi Jawa Tengah[pranala mati permanèn] (Dipuntingali tanggal 28 Maret 2011)
  3. Antara Jateng News ANTARA Copyright © 2011[pranala mati permanèn] (Dipuntingali tanggal 28 Maret 2011)
  4. a b c d e f Kompas.com © 2008 – 2011[pranala mati permanèn] (Dipuntingali tanggal 28 Maret 2011)
  5. Artikel saka Website : Kabupatèn Banjarnegara[pranala mati permanèn] (Dipuntingali tanggal 28 Maret 2011)
  6. a b c [1][pranala mati permanèn] (Dipuntingali tanggal 28 Maret 2011)