Bernardo Tolomei

Santo Bernardo Tolomei (1272-1348) punika satunggiling teologian saking Italia, pangadeg Kongregasi Kenya Binerkahan Monte Oliveto. Ing salabeting Martirologi Roma, panjenenganipun dipunpèngeti tanggal 20 Agustus. Bernardo Tolomei dipunkanonisasi déning Paus Benediktus XVI tanggal 26 April 2009.

Santo Bernardo Tolomei

Blessed Bernardo Tolomei, déning Stefano Bolognini
Miyos 1272, Siena ing Tuscany
Tilar donya 1348
Dipun urmati ing Katulik Roma
Beatifikasi 1634 déning Paus Urban VIII
Kanonisasi 26 April 2009, St. Peter's Square déning Paus Benediktus XVI
Dinten pèngetan 19 Agustus (Ordo St. Benediktus)
Portal Santo

Giovanni Tolomei dipunwiyosaken ing Siena, Tuscany. Panjenenganipun ngagem nama "Bernard" (basa Italia Bernardo) amargi raos urmatipun dhumateng Abbot saking Clairvaux. Panjenenganipun dipunbimbing déning paklikipun, Christopher Tolomeo, satunggiling Dominikan, lan péngin mlebet dhumateng kagesangan kaagaman nanging bapanipun nentang piyambakipun, lan piyambakipun nglajengaken pasinaonanipun ing lingkungan sekuler. Sasampunipun ngrampungaken pasinaonan filosofi lan matématika, panjenenganipun nyinaoni babagan hukum kamasarakatan lan kanon, lan teologi. Kanggé sapérangan wekdal Bernardo nampi jejibahan ing angkatan bersenjata Rudolph I saking Jerman. Sasampunipun panjenenganipun kundur dhumateng Siena panjenenganipun dipuntugasaken déning sing ndunungi posisi paling inggil salebeting pamaréntahan kitha. Nalika tugas panjenenganipun ngalami wuta. Nanging pasawanganipun pulih, puniki dipunpitados amargi intervensi Ibu Maria. Panjenenganipun pensiun taun 1313 mapan wonten ing pinggiran sakiwa-tengené 10 mil saking Siena. Ing mriku panjenenganipun nglampahi gesang kanthi prasaja sanget.

Amargi pandhangan moralipun ingkang inggil panjenenganipun narik kathah pengunjung, lan Bernardo dipuntedah nglampahi ajaran sesat. Panjenenganipun tindak dhumateng Avignon kanggé ngresikaken namanipun saking tedahan kasebat kanthi ngadhep Paus Yohanes XXII tanpa kawratan. Nalika panjenenganipun kundur, panjenenganipun ngedegaken kongregasi Kenya Binerkahan Monte Oliveto (Olivetan), maringaken Aturan St. Benediktus. Tujuan saking institusi puniki inggih punika dévosi dhumateng Kenya Maria. Guido, Biskop Arezzo ngonfirmasi konstitusinipun taun 1319, lan kathah panyuwunan kasembadan déning Paus Yohanes XXII, Clement VI (1344), lan Gregorius XI. Nalika munculipun plak ing distrik Arezzo, Bernardo lan para biarawan ndhévosikaken dhiri piyambakipun kanggé ngrawat para panandhang. Amargi tindakan puniki, Bernardo lan sapérangan réncang Olivetian ketularan lelara puniki.

Sasampunipun mimpin kongregasinipun laminipun 27 taun, Bernardo tilar donya ing yuswa 76. Pejahipun ngasilaken kathah mukjizat lan kongregasinipun dados sekolah para santo. Taun 1634 panjenenganipun dipunBeatifikasi déning Kongregasi Rite.

Bernardo Tolomei dipunkanonisasi tanggal 26 April 2009 déning Paus Benediktus XVI