Clana Jean ya iku clana kang akèh digandrungi déning kawula mudha jaman saiki.[1] Pancen banget luwes ngenggo clana jean tur manèh ora gampang ketok reged apa lungsed.[1] Akèh wong kang padha salah kaprah ngenani asal-usul clana jean, ya iku clana kang dienggo para pangon rajakaya ing Amérikah Sarékat, kang diarani cowboy.[1]

gambar clana jean

Asal-usul Clana Jeans besut

Clana jean diciptakake déning Levis Strauss. Levis Strauss urip udakara taun 1829-1902.[1] Dhèwèké pemudha klairan New York Amérika kepilut marang wong-wong sing padha menyang Caifornia perlu golèk emas.[1] Kapencut olèh-olehane ana tambang emas mau.[1] Bapak ibune, sadulur-seduluré padha nggeguyu, ngeman yèn arep mèlu golèk emas.[1] Kejaba ora duwé keprigelan, uga pawakane ora cocog. Wong kang makarya ana tambang mau awake kudu kuwat.[1] Biasane wong kang padha makarya ing tambang iku, dumadi wong-wong sing diarani bradhal, kejem.[1] Eloke manèh Levis Strauss menyang tambang emas ora sangu piranti wong nyambut gawé ana tambang.[1] Dhèwèké malah nyedhiakake kain kandel warna biru pirang-pirang gulung.[1] Nalika padha ditakoni, jawabe mengko wong sing padha nambang mau rak butuh tendha, motha kanggo ngeyub, apa kreta kain iki ana gunané.[1] Yèn aku ora bisa olèh emas, nanging bisa dagang kain dienggo tendha.[1] Mangkono wangsulane mantep.[1] Ora mèlu pamenggake sadulur-seduluré Levis strauss budhal nuju Kutha Sanfransisco, kuthane para penambang emas.[1] Ana kutha mau ora golèk gawéan dadi tukang tambang, nanging tawa-tawa kain, digelar digulung, pamrihe para penambang mau padha tuku perlu dienggo tendha, utawa payon kreta.[1] Levis Strauss anggoné nawakake kain nganti ndhungsang jempalik ora ana sing nggrubris.[1] Malah padha digeguyu.[1] Kaya ngapa gumune Levis Strauss.[1] Sawijining penambang tuwa nyedhaki banjur ngomong yèn barang kang ditawakake Levis ora bakal ana sing nuku, ana pertambangan kéné sing dibutuhake dudu tendha, motha utawa kreta ning kathok clana.[1] Ana ing pertambangan kathok iku ora bisa awet, amarga dienggo munggah-mudhun jurang, nyemplung urng-urung, amarga mungsuhe krikil sing landhep-landhep.[1] Mula yèn bisa gawékna clana saka bahan kain iki mbok manawa luwih kuwat lan pénak dienggo nyambut gawé.[1] Sabanjure levis Strauss banjur ngukuti dagangane, mulih na pondhokane, atine njelu, ora payu malah digeguyu.[1] Niyate arep gawé clana pesenane tukang tambang mau.[1] Kain biru kang kandel mau bajur digawa menyang tukang jait ora keduga, amarga kandel kaine.[1] Njaite kudu nganggo mesin sepatu.[1] Bareng wis dadi, clana mau banjur diduduhake tukang tambang.[1] Banget gumune tukang tambang, clana asile Levis Strauss mau cocog banget dienggo makarya tambang, kuwat, srek ora gampang suwek.[1] Clana mau déning tukang tambang ora mung dienggo nambang waé, nanging uga dienggokeperluan liyané, menyang toko, plesir, karo dipamerake yèn duwé clana sing istimewa.[1] Akèh tukang tambang sing kepranan.[1] Mula nganti kewalahan Levis strauss nampa pesenan. Nganti kain denim biru ana kutha New York ludhes diborong Levis Strauss.[1] Clana lan penganggo liyané ciptaane Levis saya pepak dilarasake karo majuning jaman.[2] Saka kutha Virginia isih nacad, amarga sake gampang suwek merha ing tambang mau dienggo ngesaki krikil-krikil sing lancip.[2] Pojokane gampang jebol.[2] Levis Strauss muter utek keriye carané ben ora gapang jebol.[2] Levis strauss rembugan karo tukang bengkel kreta.[2] Asile saben pojokane diwènèhi logam saka cuwilan tepel jaran.[2] Banjur ditambahi paku-paku tembaga.[2] Taun-taun sabanjuré perusahaan clana Levis Strauss wis bisa njarah langit kondhange ana Amérika.[2]

Cathetan suku besut

  1. a b c d e f g h i j k l m n o p q r s t u v w x y z aa ab ac ad ae “Asal-usul: Levis Strauss”.Panjebar Semangat.edisi 42:2003 (kaca 52)
  2. a b c d e f g h http://ripiu.com/ Archived 2010-12-02 at the Wayback Machine.(diunduh tanggal 30 Juli 2011)