Columba inggih punika salah satunggaling rasi lintang ingkang mapan wonten ing belahan langit sisih kidul ingkang ugi kalebet rasi lintang ingkang alit lan lemah ing langit. Rasi lintang columba inggih dipundamel ing pungkasaning abad kaping enem welas déning astronom Walanda Petrus Plancius. Columba inggih nama Latin kanggé dove lan punika nggambaraken manuk kanthi suwiwi ingkang ngepak-ngepak. Plancius paring nama asli kanggé rasi lintang Columba kanthi nama "Columba Noae" utawi "Noah's Dove". Rasi lintang punika mapan wonten ing sak kiduling rasi lintang Canis Major lan Lepus.

COLUMBA

Peta Columba
CekakanCol
GenitifColumbae
Asensio rekta6
Deklinasi−35
Area270 derajad pesagi (#54th)
Lintang utama5
Lintang
Bayer/Flamsteed
18
Lintang
mawa planèt
1
Lintang padhang1
Lintang cedhak0
Lintang paling padhangα Col (Phact) (2.65m)
Lintang paling cedhakGliese 218 ( tc)
Obyèk Messier0
Udan météorNone
Rasi lintang
sing wewatesan
Lepus
Caelum
Pictor
Puppis
Canis Major
Katon antara lintang +45° lan −90°.
Katon paling cetha ing wektu 21.00 jroning sasi February.
'

Sajarah besut

Columba inggih dipundamel déning Petrus Plancius ing taun 1592 kanthi ancas kanggé mbedakaken kaliyan lintang ingkang dèrèng dados saking rasi lintang ageng Canis Major.[1] Plancius sepisanan nggambaraken rasi lintang Columba punika wonten ing peta langit ingkang alit ing peta tembokipun ingkang ama ong taun 1592. Rasi lintang punika ugi dipunketingalaken ing peta dunya alit kagunganipun ing taun 1594 lan wonten ing peta langit Walanda. Nama sanèsipun Columba inggih punika Columba Noachi inggih kapanggih wonten ing globe langit lan atlas lintang-lintang kados ta Uranometria Johann Bayer ing abad pitulas inggih punika ing taun 1603.[2]

Lintang-lintang besut

Columba gadhah tlatah ingkang ambanipun kirang langkung 270 drajat persegi lan boten ngewrat kathah lintang ingkang dipunmangertosi minangka planit-planit. Rasi lintang punika saged dipuntingali ing garis lintang antawisipun +45° lan-90° lan ingkang saé piyambak dipuntingali ing jam 9 dalu ing salebeting sasi Pebruari.

Lintang ingkang padhang piyambak wonten ing rasi lintang Columba inggih punika lintang alpha Columbae, utawi Phact, saking tembung basa Arab "dove", "Al Fakhita" kanthi magnitudo ingkang padhang piyambak ing 2,7. Lintang punika inggih satunggaling lintang sistem binar ingkang ngewrat cahya super raksasa tipe Be. Alpha Columbae inggih satunggaling lintang ingkang gadhah cahya biru nantos pethak, lan ing tradhisional dipunsebat Phact ingkang tegesipun "ring dove".Alpha Columbae inggih tebihipun 268 taun cahya saking bumi.

Beta Columbae inggih punika lintang ingkang padhang piyambak nomer kalih ing rasi lintang Columba. Beta Columbae ugi dipunmangertosi minangkan Wazn utawi Wezn, (abot). Lintang punika kalebet cahya raksaa tipe K kanthi gadhah magnitudo 3,12, ingkang tebihipun mapan wonten ing 86 taun cahya saking bumi.[1] Fitur sanèsipun ingkang ugi narik kawigatosanipun kanggé dipuntingali ing rasi lintang punika inggih lintang ingkang asring pindhah-pindhah inggih punika mu Columbae. Lintang punika sesarengan mlebet jinis kelas lintang kelas O. Delta Columbae inggih punika lintang ingkang ngewrat cahya raksasa binar jene ingkang ugi dipunmangertosi minangka Ghusm utawi Zaitun. Eta Columbae inggih punika lintang kanthi cahya raksasa jene ngantos oranye, lan gamma Columbae inggih punika lintang ingkang gadhah cahya sub raksasa biru ingkang tebihipun 854 taun cahya.

Objek Langit Lebet besut

Columba ugi ngewrat sapérangan objek langit ingkang narik kawigatosanipun kanggé dipuntliti. NGC 1808 inggih minangka galaksi Seyfert, satunggaling galaksi spiral ingkang dipunlarang wontenipun kanthi titikan ingkang meh sami kaliyan galaksi Bimasekti, ingkang tebihipun kirang langkung 40 milyar taun cahya.

Columba inggih taksih kalebet wonten ing kulawarga rasi lintang Heavenly Waters sesarengan kaliyan rasi lintang Delphinus, Equuleus, Eridanus, Piscis Austrinus, Carina, Puppis, Vela lan Pyxis. Déné rasi lintang ingkang wonten ing sakitering rasi lintang Columba inggih punika Lepus, Caelum, Pictor, Puppis lan Canis Major..[3]

Cathetan suku besut

  1. a b Ridpath & Tirion 2001, kc. 120–121.
  2. "Canis Maior and Columba in Bayers Uranometria 1603 (Linda Hall Library)". Diarsip saka sing asli ing 2012-04-18. Dibukak ing 2013-02-22.
  3. Columba Archived 2012-01-03 at the Wayback Machine.(dipunundhuh tanggal 22 Pebruari 2013)
  • Makemson, Maud Worcester (1941). The Morning Star Rises: an account of Polynesian astronomy. Yale University Press. kc. 281.
  • Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
  • Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.