Dede Yusuf
Yusuf Macan Effendi (lair ing Jakarta, 14 Sèptèmber 1966; umur 57 taun) utawi misuwur kanthi asma Dede Yusuf inggih punika satunggalipun aktor Indonésia ingkang misuwur kanthi filem-filem laga.[1] Dede ugi kalebet anggota DPR saking PAN périodhe 2004-2009, lan sapunika mengku kalungguhan minangka Wakil Gubernur Provinsi Jawi Kilèn périodhe 2008-2013.[1][2]
Kulawarga lan Karieripun besut
Dede Yusuf punika putra saking pasangan (alm) Ir. Tammy Effendi lan penyanyi Rahayu Effendi, lan gadhah kangmas inggih punika ingkang namanipun Bob Soelaiman Effendi.[1] Ramanipun naté nyambut damel minangka Dhirèktur Taman Ismail Marzuki (TIM), ingkang ngurusi panggénan pagelaran lan kasenian.[1] Ibunipun Dede dados penari ing Pura Bogor lan pramugari Garuda ingkang gantos profesi dados bintang filem ing taun 1965.[1] Nalika taksih mbobot Dede Yusuf, ibunipun dados bintang filem Macan Kemayoran ingkang lajeng sukses ing masarakat.[1] Amargi saking punika, ramanipun maringi nama Macan kanggé putranipun.[1]
Nalika taksih timur, Dede Yusuf remen ulah raga binaraga lan ndadoskaen aktor Hollywood ingkang sapunika dados gubernur California, Arnold Schwarzenegger minangka idholanipun.[1] Ing babagan béladhiri, boten namung pencak silat kémawon, Dede ugi nyinaoni karaté, kungfu, kempo, jujitsu, lan taekwondo.[1]
Kaprigelanipun ing seni bela dhiri sampun damel karakter Dede, ngantos gadhah obsèsi kados déné bintang beladhiri Bruce Lee.[1] Dede lajeng ndhèrèk casting minangka figuran Stuntman Fighter ing filem laga.[1] Dede maragakaken karakter Cameo kaliyan Barry Prima, George Rudy, Advent Bangun, bintang laga ingkang nalika samanten sampun suksès.[1]
Cathetan suku besut
Pranala njawi besut
- Situs Resmi Dede Yusuf Archived 2013-02-26 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |