Grojogan Sèwu
Aksara Latin
|
Grojogan Sèwu kalebu salah siji curug ing Jawa Tengah.[1] Grojogan Sèwu manggon ing Tawangmangu, Kabupatèn Karanganyar, Jawa Tengah.[1] Curug Grojogan Sèwu manggon ing lèrèng Gunung Lawu.[1] Grojogan Sèwu manggon kurang luwih 27 km ing sisih wétan Kutha Karanganyar.[1] Curug Grojogan Sèwu kalebu péranganing Hutan Wisata Grojogan Sèwu.[1]
 | |
| Lokasi | Désa Sepanjang, Kacamatan Tawangmangu, Kabupatèn Karanganyar, Provinsi Jawa Tengah, Indonésia |
|---|---|
| Jinis | Plunge |
| Dhuwur | 81 metres (266 ft) |
| Kali | Kali Blumbang |
Asal Usul Nama besut
Grojogan Sèwu tegesé curug sèwu, sanajan curug ing Grojogan Sèwu cacahè ora ana sèwu, nanging ana akèh titik curug kang bisa dideleng ing kéné.[1] Uga tembung sèwu ing kéné isa digolèk teges saka sèwu pecak. Pecak yaiku satuan dawané lan dhuwuré curug utawa grojogan. Sapecak padha karo satlapak sikil wong diwasa. Ing Grojogan Sèwu, curug utawa grojogan kang paling dhuwur iku dhuwuré kurang luwih 80 mèter.[1] Ana uga curug kang ora rada dhuwur nanging pancurané amba lan ana cabang-cabangé.[1] Yèn lagi wayah udan, ing saubengé tebing bakal ana udan air terjun.[1] Nanging nalika mangsa panas, akèh curug kang garing.[1]
Alas Wisata besut
Alas Wisata Grojogan Sèwu ambané 20 Ha.[2] Kawasan alas iki akèh urip tuwuhan utawa warna-warna wit, kang dianggo omah kethèk kang wis jinak.[2] Akèh fasilitas saka hutan wisata iki ya iku Taman Binatang Hutan, bèji, papan panggonan kanggo istirahat, kios panganan, kios woh-wohan lan cinderamata, langgar lan kamar mandi.[2] Grojogan Sèwu kalebu panggonan wisata kang suhuné adhem.[2] Sadurungè tekan Grojogan Sèwu para wisatawan kudu munggah undhak-undhakan kang dadi dalan ing Grojogan Sèwu.[2] Akèh jajanan kang bisa dadi olèh-olèh nalika piknik ing Grojogan Sèwu.[2] Ing kono uga ana jaran kang pancèn diséwakaké kanggo para wisatawan.[2]
Mitos besut
Wisata Curug Grojogan Sewu uga duwé mitos saka warga kono, mitos iki kanggo pasangan kang durung nikah. Mitosé yaiku sapa pasangan kang durung nikah lan wani ngliwati jembatan ing ngarepé curug, mengko hubungané bakal pedhot lan ora nganti pernikahan.