Gunting
Gunting ya iku piranti kanggo ngethok bahan kang tipis.[1] Bahan-bahan kang bisa dikethok karo gunting ya iku kertas, kertas pérak, plastik tipis, panganan, sandhangan utawa kain, tali, kabel lan liya-liyané.[1] Gunting luwih apik tinimbang péso ing kasus kang mligi.[1] Tuladhané kanggo ngethok artikel ing koran utawa gambar.[1] Gunting uga kena kanggo ngethok rambut.[1] Pagawéan iki ora kena ditandangi nganggo péso.[1] Gunting nduwéni rong sisih kang landhep.[1] Gunting wis dadi instrumén wajib nalika jaman Mesir Kuna.[1] Gunting wis ana wiwit taun 1500 sadurungé Masehi.[1] Wong-wong Mésopotamia wis nggunakaké gunting wiwit 4000 taun kapungkur.[1] Teknik nggawé gunting uga ora béda karo saiki.[1] Carané kanthi manasaké wesi lan mbentuk wesi supaya kepénak yèn dicekel tangan, banjur dilandhepaké.[1] Yèn jaman biyèn gunting dithuthuk lan digésék supaya landhep, saiki gunting bisa dilandhepaké kanthi ngungkal ing piranti ungkal kang wis modhèren.[1]
Gunting kawanuhaké déning wong Inggris kang jenengé Robert Hinchliffe ing taun 1761.[1] Nalika iku gunting dikenalké kanthi cara massal.[1] Wiwit iku, gunting bisa dikenal kanthi wangun lan munpangaté kang bisa luwih manéka warna.[1] Gunting duwé wangun lan kagunan kang warna-warna.[1] Wangun gunting lumrahé jumbuh karo kagunan gunting.[1]
Mitos besut
Ibu-ibu kang lagi meteng lumrahé ana mitos-mitos kang dipercaya.[2] Salah sijiné ya iku mitos ngenani gunting. Ibu-ibu kang lagi meteng percaya yèn nyemataké gunting bakal bisa njaga bayi saka gangguan jin.[2] Gunting bakal njaga bayi kang ana ing njero weteng saka gangguan jin utawa setan.[2]
Cathetan suku besut
| Artikel iki minangka artikel rintisan. Kowé bisa ngéwangi Wikipédia ngembangaké. |