Gunung Penanggungan
Gunung Penanggungan (dhuwuré 1.653 mèter ing dhuwur lumahing sagara) yaiku gunung kang ana ing Pulo Jawa, Indonésia.[1]
| Gunung Penanggungan | |
|---|---|
| Èlevasi | 1,653 metres (5,423 ft) |
Panggonané gunung geni kang turu ini ana ing Kabupatèn Majakerta lan Kabupatèn Pasuruan, Jawa Wétan, leté kurang luwih 25 km saka Surabaya.[1] Gunung Penanggungan panggonané sakluster karo Gunung Arjuno lan Gunung Welirang.[1]
Gunung iki dikenal duwé pangaji sajarah kang dhuwur amarga ana ing saubengé èrèng-èrèng gunung iki ana manéka tilas purbakala jaman biyèn, ing antarané candhi, panggonan kanggo tapa, sarta banyu wiwit saka jaman Hindhu-Buda ing Jawa Wétan.[2] Ing jaman semana banyu iku dikenal wong-wong kanthi jeneng Pawitra.[2]
Vegetasi kang nutupi iku kalebu kawasan Alas Dipterokarp Bukit, Alas Dipterokarp dhuwur, alas Montane, lan Alas Ericaceous utawa alas gunung.[2]
Pawitra yaiku panggonan kanggo adus ing jaman kuna (patirthan) Jalatunda ana ing èrèng-èrèng kuloné.[2] Pawitra iku dibangun taun 899-977 M lan isih ngilèni banyu nganti tekan saiki.[2] Banyu saka Pawitra iku dianggep amerta (banyu kang langgeng) amarga metu langsung saka awaké Mahameru, gunung kang pucuké ana swarloka, panggonané déwa-déwa.[2] Kang dianggep jaman biyèn tau duwé tahta reca Wisnu déwa kang gawé sejahterané manungsa ing pérangan tengah panggonan adus, nanging saiki wis ilang ora ngerti ana ing ngendi.[2]
Cathetan sikil besut
- ↑ a b c Danau Maninjau Archived 2011-07-27 at the Wayback Machine. (Diaksès tanggal 7 Juli 2011)
- ↑ a b c d e f g Swarloka di Gunung Penanggungan Archived 2011-07-01 at the Wayback Machine. (Diaksès tanggal 7 Juli 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |