Herlinatiens (nama aslinipun: Herlina Tien Suhesti ingkang miyos wonten ing Ngawi ing tanggal 26 April 1982 inggih punika salah satunggaling sastrawan wonten ing Indonésia. Nanging piyambakipun langkung remen dipunceluk pujangga tinimbang sastrawan. Novelipun ingkang sepisanan lair inggih kanthi irah-irahan Garis Tepi Seorang Lesbian ingkang dados bestseller ingkang mbiyantu piyambakipun ngrembakakaken karemenanipun kanggé nyerat novèl –novèl ingkang salajengipun. Sapunika piyambakipun aktip yasa sanggar kaliyan paring panyengkuyung dhateng laré-laré ingkang dumunung ing Yogyakarta.[1]

Herlinatiens
LairHerlina Tien Suhesti
Jeneng liyaHerlinatiens
Sana jaringanhttp://herlinatiens.wordpress.com

Biografi besut

Novelipun Herlinatiens ingkang sapisan inggih punika kanthi irah-irahan “Garis Tepi Seorang Lesbian” inggih nyariosaken babagan satunggaling lesbian ingkang dipunsingkiri déning kabudayan ing sakiteripun saha kulawarganipun. Buku ingkang sapisan punika telas dipuntumbas déning pamaosipun namung ing kalih peken. Bukunipun ingkang kaping kalih inggih punika, “Dejavu”, “Sayap yang Pecah” ugi dados bestseller.[2] Sapunika, piyambakipun minangka staff saha tim panaliti saking Yayasan umar Kayam. Piyambakipun dumunung ing Yogyakarta saha pados kawruh malih kanggé gelar master wonten ing jurusan budaya ing Universitas Sanata Dharma.

Garis Tepi Seorang Lesbian besut

Bukunipun ingkang dipunsalin ing basa Inggris kanthi irah-irahan Margins of a Lesbian, dipunwiwiti kaliyan wontenipun tokoh Ashmora Paria, tiyang èstri saking Indonésia ingkang gadhah tigang putra. Lajeng piyambakipun nikah saha dumunung Paris, Pranis kaliyan kancanipun ingkan èstri ugi, inggih tokoh Ri. Paria saha Ri sampun dipunsingkiri déning masarakat Paris lajeng kekalihipun pindhah dhateng Indonesia malih. Cariyos punika ing pérangan purwakaning buku.Paria lajeng kepanggih kalyan Davia, murid èstri ingkang sampun gadhah sesandhingan kaliyan tiyang jaler. Ing sepisanan, Paria ngupaya kanggé nolak raosipun dhateng Davia, nanging amargi piyambakipun taksih dhèwèkan lajeng piyambakipun njalin gayutan kaliyan Devia. Paria ugi gadhah gayutan kaliyan kalih kancanipun mawi serat inggih punika Gita, satunggaling ibu rumah tangga saha Rafael, biarawati Katolik. Buku punika nyariosaken babagan perjuanganipun tiyang ingkang dipunsingkiri, rumor, saha lajeng dipunsisihaken wonten ing masarakatipun.

Asiling Karya besut

Year Indonesian Title ISBN Publisher
2003 Garis Tepi Seorang Lesbian ISBN 978-979-9341-68-6 Galangpress Group
2004 Dejavu, Sayap yang Pecah ISBN 978-979-3627-23-6 Galangpress Group
2004 Jilbab Britney Spears ISBN 978-979-98844-0-4 Pustaka Anggrek
2005 Sajak Cinta Yang Pertama ISBN 978-979-3695-45-7 Bayumedia
2005 Malam Untuk Soe Hok Gie ISBN 978-979-3627-61-8 Galangpress Group
2005 Rebonding ISBN 978-979-3627-45-8 Galangpress Group
2005 Broken Heart, Psikopop Teen Guide ISBN 978-979-3627-95-3 Galangpress Group
2006 Koella, Bersamamu dan Terluka ISBN 978-979-99007-8-4 Pinus
2006 Sebuah Cinta yang Menangis ISBN 978-979-99007-7-7 Pinus
2010 Menagerie 7: People Like Us ISBN 978-979-8083-74-7 Lontar Foundation
2012 Ashmora Paria ISBN 978-602-2550-044 DIVA Press
2012 Koella, Bersamamu dan Terluka ISBN 978-6027-6413-96 DIVA Press
2012 Sebuah Cinta Yang Menangis ISBN 978-6027-6403-06 DIVA Press
2012 Maria Tsabat ISBN 978-6027-6658-59 DIVA Press

Cathetan suku besut

  1. "Writing at sexuality’s margins" Archived 2007-10-17 at the Wayback Machine., Inside Indonesia, edisi Oktober-Dhésèmber 2003 (dipunundhuh tanggal 21 Januari 2013)
  2. Herlinatiens Blog", Ode Jari Manis (dipunundhuh tanggal 21 Januari 2013)