Imigrasi punika pepindhahan tiyang saking satunggiling nagari-bangsa (nation-state) nuju nagari sanès, ing pundit tiyang punika sanès warga nagari. Imigrasi ngrujuk ing pepindhahan kanggé netep permanèn ingkang dipunlampahi dmening imigran, éwadéné turis lan pandhateng kanggé jangka wekdal cekak boten dipunanggep imigran. Éwadéné makaten, migrasi pegawé musiman (limrahipun kanggé periode kirang saking satunggal taun) asring dipunanggep minangka wangun imigrasi. PBB nginten wonten kirang langkung 190 yuta imigran internasional ing taun 2005, kirang langkung 3% saking populasi donya. Sisanipun netep ing nagara wiyosanipun piyambak utawi nagari panerusipun.

Pengungsi Eropa sing teka ing Argentina

Éwadéné migrasi manungsa sampun dumados maéwu-éwu taun, konsèp modhèren imigrasi, khususipun ing abad kaping 19, kakait kaliyan perkembangan nagari-bangsa kanthi kriteria kawarganagaraan ingkang cetha, paspor, pangawasan wewatesan permanèn, sarta hukum kawarganagaraan. Kawarganagaraan saking siji nagari maringi hak-hak mirunggan marang pandunung nagara kasebat, sauntawis para imigran dipunwatesi déning hukum imigrasi. Nagari-bangsa ndamel imigrasi dados siji isu pulitik; per dhéfinisi Nagari-bangsa punika tanah air siji bangsa ingkang dipuntengeri déning pepadhan ètnis lan utawi budaya, éwadéné imigran gadhah ètnis lan budaya ingkang bènten. Perkawis puniki sok njalari siji kategangan sosial, xenofobia, lan konflik idhèntitas nasional ing kathah nagari majeng.

Ugi pirsani besut

Otoritas imigrasi ing Indonésia: