Inari (稲荷?) inggih punika salah satunggaling Kami wonten ing kapitadosan Jepang. Nama pakurmatan kanggé Inari no kami, Oinari-sama, Oinari-san, utawi Inari Daimyōjin (稲荷大明神?). Wonten ing Basa Jepang, Ine (?) ateges "tuwuhan pantun". Kuil ingkang mulyakaken Inari dipunwastani kuil Inari (稲荷神社 Inari jinja?). Pusat saking manéka kuil ingkang wonten ing Jepang inggih punika Kuil Fushimi Inari ing distrik Fushimi, Kyoto [1].

Wonten sistem kapitadosan shinbutsu shūgō, Inari dipunanggep minangka wujud saking Dakini. Kajawi punika Inari dipunpitadosi minangka Ukanomitama (déwa palawija), Toyoukebime, dan Ukemochi (déwa dedhaharan), Ōgetsuhime, lan sanèsipun. Inari minangka déwa pertanian kinten-kinten asalipun saking tembung asiling panèn tuwuhan pantun (tanaman padi) (ine) minangka "barang bawaan" (nari).

Kuil Inari besut

 
Kuil Fushimi Inari ing Kyoto

Wonten ing Jepang kirang langkung wonten 20 èwu dumugi 30 èwu kuil Inari. Di Jepang diperkirakan terdapat sakiwa-tengené 20 ribu hingga 30 ribu kuil Inari. Kisah babagan Inari punika kaserat wonten ing literatur klasik Nihon Shoki. Nalika taksih alit lan dèrèng minggah tahta (539 utawi 531) minangkaKaisar Kimmei, piyambakipun naté ngimpi bilih dipunparingi pirsa "bilih nedahaken tiyang kanthi nama Hata no Ōtsuchi, manawi sampun diwasa badhé pinter anggènipun mrentah nagari". Rewang ingkang dipunpitadosi kautus supados madosi tiyang mau. Kuil kanggé Hata no Iroku (Hata no Irogu) jumeneng nalika wulan 2 taun 711.

Sajarah besut

Kuil Fushimi Inari ing Kyoto rumiyin punika kuil kulawarga kagunganipun klan Hata. Kuil punika ugi naté dipunkelola déning kulawarga Ōnishi. Wonten ing cathetan sajarah Provinsi Yamashiro kanthi irah-irahan Yamashiro no Kuni Fudoki kacariyosaken babagan moyang klan Hata anama Hata no Irogu. Minangka bangsawan ingkang sugih, piyambakipun nglampahi tumindak ingkang dipunlarang inggih punika nyia-nyia dedhaharan. Mochi dados sasaran panah nalika gladhen manag. Nanging mochi ingkang dipunpanah punika dados peksi kanthi warni putih lajeg peksi mau mabur dhateng pucuk Gunung Mitsugamine. Wonten ing papan peksi mau mencok, tuwuh tuwuhan pantun kanthi subur..[2] Papan mau anama Inenariohiki (伊弥奈利生ひき?) (Inanari). Hata no Irogu rumaos nyesel. Wit ingkang tuwuh ing mriku dipunbeta kondur supados dipuntandur malih. Satunggaling kuil kabangun ing papan wit mau tuwuh. Salajengipun, Inanari (稲生り?) dipunserat dados Inari (稲荷?) dumugi sapunika.

Nalika jaman Heian, klan Hata kanthi basis ing Kyoto gadhah kuwaos sanget ing babagan pulitik saéngga rakyat ingkang dados pendhèrèk kuil Inari punika langkung kathah. Nalika kuil kanthi nama Tō-ji dipunyasa ing Kyoto, klan Hata nyumbang kajeng bahan yasan saking Gunung Inari. Bibar punika Inari dipunwastani minangka déwa palindung ing Tō-ji. Kitab Nijunisha-hon-en nyarisoaken bilih Kūkai kepanggih lan nyuwun supados Inari dados déwa palindung ingTō-ji.

Kapitadosan dhumateng Inari sansaya kondhang ing masarakat sasampunipun Inari dipunwastani minangka manifestasi Dakini ing Tōji. Dakini dipunpitadosi minangka Yaksa ingkang mangan Raksasa, saéngga arwah rubah (霊孤, reiko) utawi kitsune dipunpitadosi dados Dakini. Salah satunggaling ciri khas arwah rubah inggih punika kemampuan tatarigami (damel tiyang kesurupan). Nalika jaman Meiji, kapitadosan dhateng Inari pikantuk larangan shinbutsu shūgo ingkang misahaken déwa-déwa wonten ing agami Buda lan Shinto. Sapérangan kuil taksih tetep dados kuil Inari, déné sanèsipun dados kuil Buda ingkang muja Dakini.

Cathetan suku besut

  1. Kuil-uil di Jepang Archived 2012-11-07 at the Wayback Machine., (dipunakses tanggal 7 Fèbruari 2013).
  2. Nogami, Takahiro. "Inari Shinkō". Encyclopedia of Shinto. Establishment of a National Learning Institute for the Dissemination of Research on Shinto and Japanese Culture. Diarsip saka sing asli ing 30 September 2007. Dibukak ing 16 January 2008.

Pranala njawi besut