Iwak tambakan
| Iwak Tambakan | |
|---|---|
| |
| Ikan tambakan | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Actinopterygii |
| Ordho: | Perciformes |
| Subordho: | Anabantoidei |
| Famili: | Helostomatidae |
| Génus: | Helostoma |
| Spésies: | H. temminckii |
| Jeneng binomial | |
| Helostoma temminckii Cuvier, 1829 | |
Iwak Tambakan (Helostoma temminckii) utawi manawi wonten ing Basa Inggris dipunwastani Kissing gourami punika salah satunggalung jinis iwak toya tawar ingkang asalipun saking wewengkon tropis miliginipun Asia Tenggara. Ulam punika milanipun asalipun saking Thailand dumugi Indonesia sadèrèngipun dipuntepangaken dhateng donya. Panyebaran ulam punika saking Thailand, Vietnam, malaysia, Selandia baru, Filipina, Sumatra, Kalimantan, Sulawesi, lan Jawa [1]. Ulam punika ugi kawéntar kanthi nama gurami pencium amargi pakulinan ngambung nalika mendhet panganan utawi nalika ketemu sesami pejantan. Ing Indonesia ulam tambakan punika gadhah nama sanès kaosta bawan, biawan, lan ulam Samarinda [2].
Ulam tambakan punika mapan wonten ing toya kanthi arus ingkang tenang, dangkal lan kathah tetuwuhan toya. Saking rumiyin ulam punika sampun dipundamel kanggé bahan panganan lan sampun dipuntepangaken dhateng nagara sanès kanthi ancas kanggé budidaya [2].
Anatomi lan Morfologi besut
Ulam tambakan gadhah wujud awak ingkang pipih vertikal. Sirip punggung lan sirip anal gadhah wujud lan ukuran ingkang sami. Sirip buntut piyambak wujudipun bunder lan cembung, lajeng sirip dadanipun kanthi cacah sepasang ugi radi bunder. Wonten ing sisih kekalih awakipun wonten gurat sisih, pola ingkang wujud garis tipis wiwit saking pangkal selaning angsang dumugi pangkal sirip buntut. Kirang langkung wonten 43-48 sisik ingkang nyusun gurat punika. Ulam tambakan punika saged tuwuh dumugi 30 cm[2].
Habitat besut
Ulam Tambakan punika kalebet ulam toya tawar kanyhi sipat bentopelagik inggih punika gesang wonten ing antawisipun lumah lan wewengkon ing perairan. Wewengkon asli papan gesangipun punika wewengkon perairan tropis ingkang dangkal, arus tenang, lan kathah tuwuhan toya. Wiwitanipun ulam punika namung kapanggihaken wonten ing perairan toya tawar Asia Tenggara, nanging ulam tambakan banjur nyebar wonten ing sadaya wewengkon ingkang gadhah iklim anget minangka kéwan introduksi[2].
Panganan besut
Ulam tambakan kagolong ulam omnivora ingkang mangan sadaya jinis panganan. Saking lumut, tuwuhan toya, zooplankton, dumugi gegremet toya. Ulam tambakan ugi mangan jinis plankton, crustacea, larva insecta, lan protozoa [1]. Lambenipun kajangkepi kaliyan waja-waja alit ingkang mbiyantu anggènipun mendhet panganan. Ulam punika ugi gadhah tapis angsang ( gill raker ) ingkang paring pambiyantu nyaring partikel plankton saking toya. Nalika nyabut panganan ingkang nèmpèl wonten ing papanipun punika ulam tambakan katingal kados ngambung panganan punika[2].
Manfaat kanggé manungsa besut
Wonten ing wewengkon aslinipun ulam punika dipun-budidaya kanggé dipunpendhet dagingipun. Ulam tambakan ugi saged dipunpancing wonten ing alam bébas. Sapunika ulam tambakan dados salah satunggaling komoditas iwak hias toya tawar amargi wujud lan polahing ingkang unik. Kanthi gunggung ingkang kathah ulam tambakan ingkang taksih alit dipun-ekspor dhateng nagara Jepang, Éropah, Amérika Utara, lan Australia[2].