Wikipédia

Juhi Chawla

Juhi Chawla (जूही चावला, lair tanggal (1967-11-13) 13 Novèmber 1967 (umur 56)) dhèwèké iku aktris, prodhuser filem lan pranata cara saka India.[1] Sawisé dadi pemenang ning ajang kontès kecantikan Miss India ning taun 1984, Chawla miwiti karir aktingé.[1] Dhèwèké dadi salah sawijining top aktris bollywood lan bisa mainaké peran ning filem kang diangkat saka roman “Oayamat Se Oayamat Tak”.[1] Penampilanné ning filem mau anggawe dhèwèké olih bebungah “ Filmfare Best Actress Award”.[1] Dhèwèké anak kaping pisan saka pasangan Dr. S. Chawla lan Mona Chawla.[1] Dhèwèké ngelulusaké sekolahé ning Ludhiana sadurungé kaluwargané kanggo pindah maring Mumbai.[1] Dhèwèké lulusan saka Sydenham College karo spesialisasi ning HR Mumbai.[1] Dhèwèké dadi pemenang Miss India taun 1984, nuli dhèwèké menangaké bebungah “Best Costume Award” ning ajang kontès Miss Universe taun 1984.[1] Dhèwèké uga penari kang pinter.[1]

Juhi Chawla
LairJuhi S Chawla
(1967-11-13) 13 Novèmber 1967 (umur 56)
Ludhiana, Punjab, India
PakaryanFilm actress, Producer, Television presenter
Taun aktif1986–present
BojoJai Mehta (1997–present)

KARIR besut

Ning taun 1987, dhewekémainaké peran ning filem Kannada kang disutradarai déning Rayichandran.[1] Perané kang kaping pisanan ning Bollywood dilakoni nalika taun 1988 ning filem kang judhulé “Oayamat Se Oayamat Tak”, ning filem mau, dhèwèké mainaké peran bebarengan karo Aamir Khan.[1] Film iku filem adhaptasi Romeo lan Juliet versi modern.[1] Film mau sukses nganti dhèwèké olih panghargaan ning ajang “Filmfare Best Movie Award”.[1]

Ning taun 1990, dhèwèké mainaké peran ning filem Pratibandh kang dadi box office lan anggawe dhèwèké olih nominasi “Filmfare Best Actress Award”.[1] Ning taun 1992 dhèwèké uga olih nominasi kang padha nanging amarga filem kang béda, ya iku amarga filem kang judhulé Bol Radha Bold an Hum Hain Rahi Pyar Ke.[1]

Akeh-akehé filem Chawla kang dirilis ning taun 1994 nganti taun 1996 ora patiya sukses meski dhèwèké olih nominasi Filmfare kanggo penampilané ning filem Daraar.[1] Ning taun 1997, dhèwèké mainaké peran ning filem komedi kaya ta Yes Boss, Deewana Mastana, lan Isha.[1] sasuwené akir taun 2000an, Chawla dadi presenter ning acara-acara televisi, kaya ta Filmfare Award lan Zee Cine Awards.[1] Dhèwèké uga dadi juri kanggo acara hiburan Jhalak Dikhhla Jaa bebarengan karo Saroj Khan lan Vaibhavi Merchant.[1]

Juhi chawla nuli pindhah jalur dadi prodhuser lan dadi asisten kang duwé rumah produksi “Dreamz Unlimited” bebarengan karo Shahrukh Khan lan sutradara Aziz Mirza.[1] Rong filem kaping pisanan kang diprodhuksi déning perusahaan mau, ya iku Phir Bhi Dil Hai Hindustani lan Asoka.[1] Film kaping teluné ya iku judhulé Chalte Chalte kang sukses ning pasaran.[1] Juhi Chawala urip bebrayanan karo pangusaha Jai Mehta lan duwé anak loro.[1]

Ning taun 2004, Juhi Cawla dadi prodhuser, aktor lan penyanyi ning produksi kerjasama Gurdas Maan kang bakal digawé nganggo rong basa.[2] Versi Punjabi bakal dijuduli ´HOYA-PARDES´ lan versi Inggris bakal dijuduli ´POLITICAL ASYLUM’.[2] Ceritané digawé déning Suraj Sanim lan musiké déning Jaydev.[2] Kerjasama iki disutradarai déning Manoj Punj.[2] Pemain liyané ya iku Parmeet Sethi, Divya Dutta, Mukesh Tiwari, Sudershan Vij lan Gurdas Maan.[2]

FILMOGRAFI besut

Film-filem kang tau dibintangi Juhi Chawla[1]:

  • 1986 : Sultanat
  • 1988 : Qayamat Se Qayamat Tak, Premaloka, Paruva Rupa
  • 1989 : Chandni, Vicky Dada, Love Love Love, Goonj
  • 1990 : Kaafila, Swarg, Pratibandh, Tum Mere Ho, Zahreelay, Shandaar, C.I.D.
  • 1991 : Shanti Kranti, Nattukku Oru Nallavan, Benaam Badshah, Karz Chukana Hai, Bhabhi
  • 1992 : Bol Radha Bol, Radha Ka Sangam, Raju Ban Gaya Gentleman, Mere Sajna Saath Nibhana, Bewaffa Se Waffa, Daulat Ki Jung
  • 1993 : Lootere, Shatranj, Izzat Ki Roti, Pehla Nasha, Tadipar, Aaina, Darr, Hum Hain Rahi

Pyaar Ke, Kabhi Haan Kabhi Na

  • 1994 : Eena Meena Deeka, The Gentleman, Andaz, Andaz Apna Apna, Ghar Ki Izzat, Bhagyavan, Pramaatma, Saajan Ka Ghar
  • 1995 : Ram Jaane, Kartavya, Naajayaz, Aatank Hi Aatank
  • 1996 : Talaashi, Loafer, Bandish, Daraar
  • 1997 : Yes Boss, Ishq, Mr. and Mrs. Khiladi, Deewana Mastana
  • 1998 : Saat Rang Ke Sapne, Harikrishnans, Duplicate, Jhooth Bole Kauwa Kaate
  • 1999 : Safari, Arjun Pandit, Shaheed Uddham Singh
  • 2000 : Gang, Karoobar: The Business Of Love, Phir Bhi Dil Hai Hindustani
  • 2001 : One 2 Ka 4, Ek Rishtaa, Aamdani Atthani Kharcha Rupaiyaa
  • 2003 : 3 Deewarein, Jhankaar Beats
  • 2004 : Des Hoya Pardes[2]
  • 2005 : My Brother Nikhil, Paheli, Khamosh: Khauf Ki Khaufnak Raat, Home Delivery: Aapko... Ghar Tak, 7½ Phere, Dosti: Friends Forever
  • 2006 : Bas Ek Pal, Waris Shah-Ishq Da Waaris
  • 2007 : Salaam-e-Ishq: A Tribute To Love, Swami, Om Shanti Om
  • 2008 : Bhootnath, Krazzy 4, Kismat Konnection
  • 2009 : Alladin
  • 2010 : I am Megha

Cathetan suku besut

  1. ↑ a b c d e f g h i j k l m n o p q r s t u v w x berita Juhi Chawla dipununduh tanggal 25 Agustus 2011
  2. ↑ a b c d e f berita Juhi Chawla dipununduh tanggal 25 Agustus 2011


Dijupuk saka "https://jv.wikipedia.org/w/index.php?title=Juhi_Chawla&oldid=1530001"