Kanker prostat ya iku lelara kanker kang ana ing prostat.[1]Prostat ya iku salah sijiné klanjer sajeroning sistem reproduksi wong lanang.[1] Kanker prostat bisa kadadéan amarga sèl prostat ngalami mutasi lan wiwit thukul lan ora bisa dikendalekaké.[1] Sel iki bisa nyebar kanthi metastasis saka prostat ing pérangan awak liyané, mligi balung lan lymph node.[1] Kanker prostat bisa nggawe lara lan angèl anggoné pipis, disfungsi erektil lan tandha-tandha liyané.[1]

Kanker prostat

Prostat iku klanjer kang ana ing sangisoré kandung kemih wong lanang.[1] Fungsi mligi prostat ya iku kanggo mrodhuksi cuwèran kang njaga lan nyaluraké sperma.[1]

Prostat kerep gedhé ukurané nalika umuré 50 taun.[2] Nalika umuré 70 taun 80% wong lanang nduwéni prostat kang gedhé.[2] Akèh wong lanang kang umuré wis lansia kang ngalami masalah nalika nguyuh awit prostat kang ukurané gedhé.[2] Nanging ana uga kang gedhené prostat iki uga saka thukulé kanker.[2] Kanker prortat lumrahé nyerang wong lanang lan lumrahé kang umuré sandhuwuré 65 taun.[1]

Tandha besut

Tandha-tandhané yèn kena kanker klanjer prostat ya iku.[1]

  • Ilèn urin lemah lan mbutuhaké wektu kang suwé kanggo nguyuh.
  • Ngentèni suwé lagi urin bisa metu.
  • Luwih kerep nguyuh tinimbang lumrahé.
  • Kerep kebelet pipis.
  • Ngrasake lara ing pangkal penis utawa urin kang ana getihe. Iki lumrahé dadi tandha-tandha ing kanker prostat stadium lanjut.

Panyebab besut

Panyebap kanker prostat ya iku:[1]

  • Umur kang wis tuwa.
  • Riwayat kulawarga lan faktor katurunan.
  • Suku bangsa. Wong lanang Asia duwé resiko kang kurang yèn kabandingaké wong lanang kang asalé saka nagara kulit ireng lan putih.
  • Paparan logam cadmium.

Cathetan suku besut

  1. a b c d e f g h i j majalahkesehatan.com(dipunundhuh tanggal 20 Agustus 2011)
  2. a b c d doktersehat.com Archived 2011-08-01 at the Wayback Machine.(dipunundhuh tanggal 20 Agustus 2011)