Karin Månsdotter

Karin Månsdotter (1550-1612) iku pramèswari Swèdhen, minangka garwané Raja Erik XIV. Sadurungé panjenengané selir, nanging sawisé iku dadi pramèswari.

Karin digambar déning Raja Erik XIV ing kunjara.

Babad slira

Karin lair ing Stockholm, bapané kuwi prajurit lan ing tembé dadi sipir kunjara. Bapané jenengé Måns (Månsdotter kuwi patronim, tegesé "anak wadon Måns"). Ibuné jenengé Ingrid lan asalé saka kulawarga tani ing Uppland.