Keramik putih Joseon

(Kaelih saka Keramik Putih Joseon)

Joseon baekja utawi keramik putih Joseon punika jinising keramik kanthi warna putih ingkang wiwitanipun dipundamel nalika masa Dinasti Joseon (1392-1910) ing Koréa.[1][2] Medalipun keramik putih Joseon dipungayutaken kaliyan panyebaran paham Konfusianisme kanthi wiyar minangka idéologi nagara ingkang nampik Buda bibar dhawahipun Dinasti Goryeo. Pehak kraton Joseon ngangungaken warna putih minangka perlambang Konfusianisme lan ngginakaken keramik putih minangka perabot ingkang wigati wonten ing lingkungan mau.[1] Keramik putih lajeng dados barang pecah belah ingkang kathah piyambak dipunproduksi lan dipunremeni ing periode Joseon.[1]

Keramik putih Joseon
Keramik putih Joseon ing Musiyum Nasional Koréa
Jeneng Koréa
Hangul조선백자
Hanja朝鮮
Alihaksara Koréa Kang SinampurnaJoseon baekja
McCune–ReischauerChosŏn paekcha

Sajarah besut

Ing wiwitan periode Dinasti Goryeo (935-1392), nalika keramik ijo taksih kathah dipun-ginakaken, keramik putih namung dipunproduksi kanthi gunggung ingkang sakedhik.[3] Wiwit saking dhawahipun kaum panguwaos Goryeo ing taun 1392, Konfusianisme nggantos Buda minangka idéologi lan keramik ijo ingkang sadèrèngipun dipunremeni wiwit dipuntilaraken.[3] Pamaréntahan Joseon nglampahi upaya mirunggan kanggé njagi produksi lan pangelolaanipun. Sansaya dangu masarakat Joseon wiwit ngginakaken jinis keramik énggal punika kanthi wiyar wonten ing padintenan.[3] Lajeng produksi keramik putih tuwuh kanthi rikat.[3]

Sajarah keramik putih punika kapérang dados tiga periode.[3] Periode kapisan ingkang kawiwitan saking madegipun Dinasti Joseon ing taun 1392 dumugi abad kaping 17 kala punika keramik mawi corak tatahan dipunproduksi sawatara lajeng ical.[3] Lajeng keramiki mawi corak biru (cheonghwa) dipundamel kanthi modifikasi gaya wiwitan keramik Cina kanggé dipuntrepaken kaliyan gaya Koréa.[3] Ing periode kaping kalih, saking abad kaping 17 tengahan abad kaping 18 medal keramik ingkang dipunlukis mawi glasir coklat lan kondhang ing wiwitan abad kaping 18.[3] Keramik corak abrit ugi medal ing periode punika.[3] Ing periode kaping 3, saking abad kaping 18 dumugi abad kaping 19, keramik putih wiwit dipunproduksi kanthi ageng nanging kuwalitasipun sansaya mangandhap.[3] Keramik mawi corak biru, sapérangan dipunglasir biru-kobal ugi kondhang wonten ing periode punika.[3]

Keramik putih resik tanpa corak sapérangan ageng dipunproduksi ing wiwitan periode.[3] Keramik mawi corak tatahan kondhang kantha pola kembang lotus, kembang-kembangan, taneman lan mega.[3] Teknik tatahan kados tèhnik sanggam wonten ing keramik ijo.[3] Saking periode kaping kalih lan salajengipun, kadang kala désainipun dipunwukir awujud relief lajeng cara sarta pola wukiran ingkang kados makaten sansaya kathah dipun-ginakaken.[3] Motif kondhang ing periode mau inggih punika taneman pring mawi kembang plum, pring kaliyan wit cemara, seruni, simbol-simbol agami Buda lan umur ingkang dawa, méga, kéwan bertuah, anggur, anggrèk, ulam, kepa, yuyu lan manuk.[3]

Pusat produksi besut

Wiwitanipun tungku ingkang damel keramik putih sapérangan ageng wonten ing kiwa-tengené wewengkon kutha krajan ing Gwangju (Gyeonggi), Gunung Gwanak lan Gunung Bukhan. Nanging banjur nyebar dhateng sadaya provinsi.[3] Gwangju ingkang kalebet tungku astana kraton taksih dipun-ginakaken minangka pusat produksi keramik putih.[3]

Gladri besut

Cathetan suku besut

  1. a b c In Pursuit of White: Porcelain in the Joseon Dynasty[pranala mati permanèn], 1392–1910, metmuséum.
  2. Jeon Seung-Chang (Spring 2002). "Blue and White Faceted Porcelain Bottle with Bamboo Design" (PDF). Koreana (ing basa Inggris). 16 (1). Diarsip saka sing asli (PDF) ing 2016-03-05. {{cite journal}}: Cite has empty unknown parameters: |lay-source=, |laysummary=, and |lay-date= (pitulung)
  3. a b c d e f g h i j k l m n o p q r White Porcelain with Inlaid Lotus Scroll Design, koreana.

Pranala njawi besut

Cithakan:Keramik Koréa