Khālid ibn Yazīd

Khalid bin Yazid bin Muawwiyah, (miyos taun 635 Masehi, ninggal yuswa taun 704 Masehi [1])priyantun Arab kapisan ingkang gadhah karemenan bab ngèlmu al kemis (635-704 Masehi).[2] Seratan punika saking pertalan buku damelan al kemis Yunani.[2] Piyambakipun uga dipunkenal dados panulis buku bab ngèlmu kimia, kathah Seratan bab ngèlmu kimia, nanging buku-buku manika boten wonten ingkang taksih dipunpangihi.[2] Nanging sampun kathah ahli al kemis sanès ingkang ngutip seratan saking Khalid bin Yazid, ingkang dipunserat malih wonten buku-buku bab ngèlmu kimia Khalid bin Yazid punika guru saking ahli al kemis uga panemu ageng Jābir ibn Hayyān ingkang dipuntepang Bapak ngèlmu kimia wonten ing tlatah Éropah.[3]

Para Kimiawan, Panerus babagan ngèlmu Kimia sasampunipun Khalid bin Yazid bin Muawwiyah

Kamunculan Khalid bin Yazid dipunsambungaken kaliyan ngèlmu kimia, piyambakipun belajar ngèlmu kimia kaliyan usada saking Monk Marianos.[3]Ilmu Kimia punika dipunjlentrehaken kemalih déning Khalid bin Yazid saking pertalan abasa Yunani (tahap kapisan) dipunlajengaken tahap inovasi sarta panemuan.[3] Ngangge buku-buku bab ngèlmu Kimia saking Yunani sarta Mesir ingkang piyambakipun angsal, Para ahli al kemis saking Arab saged milai nyobi ugi ngawontenaken panelitian asli nganggé acuan saking buku punika.[2]

Deskripsi saking praktek kapisan para ahli kimia punika dipunserat wonten kitab al Fihrist, ensiklopedia ingkang dipunserat déning Al Nadim saking Arab nalika taun 988 CE.[2] Wonten ing ensiklopedia punika, wonten bab ingkang mbahas bab ngèlmu kimia ingkang nyebataken asal-usul saking ngèlmu punika.[2] Uga wonten pratélan asma-asma saking para ahli kimia Yunani ingkang misuwur nalika jaman samana.[2] Antawisipun priyantun Arab, kaya ta Yazid bin Khalid, Jābir ibn Hayyān, Ar-Razi, Ibnu Wahshiyya uga Dhu'n-Nun (priyantun Mesir).[2]

Khalid bin Yazid nyerat tiiga risalah bab ngèlmu kimia[3]:

  1. Al-Ser Al-Badea fi Fak Al-Ramz Al-Manea
  2. Ferdous Al Hekma fi Elm Al-Chemea sarta
  3. Maqalata Marianos Al-Raheb (loro barang saking Monk Marianos) ingkang isinipun cariyos-cariyos kaliyan Marianos uga belajar wujud saking simbol-simbol.[3]

Cathetan suku besut

  1. Sajarah Jabir ibnu Hayyan dipununduh tanggal 6 Juni 2011
  2. a b c d e f g h al Shindagah dipununduh tanggal 5 Juni 2011
  3. a b c d e islam inovasi kimia dipununduh tanggal 5 Juni 2011

Teks tebal