Konosuke Matsushita

Konosuke Matsushita (lair 27 Novèmber 1894 – pati 27 April 1989 ing umur 94 taun) ya iku wong kang ngedegaké Panasonic nganti dadi sawijining parusahan gedhé nganti sapréné. Matsushita lair ing kulawarga prasaja désa Wasa, Jepang, tanggal 27 Novèmber 1894. Nalika diwasa, dhèwèké dadi sawijining wong kang katutup lan rada lara-laranen, mula ndadèkaké mangsa ngarepé dadi ora cetha. Kaya-kaya dhèwèké ditakdiraké urip kang kebak perjuangan. Nalika umur sangang taun, dhèwèké nyambut gawé ing toko sepedha kanggo mbantu kulawargané.

Kōnosuke Matsushita
Matsushita in 1929
Jeneng lair	松下 幸之助
Lair	27 November 1894 Wakayama, Japan
Pati	27 April 1989 (aged 94) Moriguchi, Osaka, Japan
Bangsa	Jepang
Jeneng liya	God of Management
Pakaryan	Businessman and Industrialist
Kondhang ing	Founder of Panasonic
Bebathèn resik	US$3 billion(1989)
Bojo	Mumeno Matsushita
Anak	Sachiko Matsushita
Wong tuwa	Masakusu Matsushita (bapak) Tokue Matsushita (ibu)
Dulur	Masaharu Matsushita (son-in-law) Masayuki Matsushita (grandson) Hiroyuki Matsushita (grandson)
Bebungah	Order of the House of Orange Decorated Commander in the Order of Orange (1958) Order of the Sacred Treasure Order of the Rising Sun (29 April 1981) Order of the Paulownia Flowers (29 April 1987) Order of the Defender of the Realm (Panglima Mangku Negara which carries the title "Tan Sri") Medal with Blue Ribbon Medal with Dark Blue Ribbon Honorary Commander of the Order of the Defender of the Realm China Reform Friendship Medal (2018)

Jeneng perusahané ya iku Panasonic, déné jeneng sadurungé ya iku Matsushita Electric Industrial Co.

Lair

Konosuke Matsushita lair tanggal 27 November 1894, ing sawijining désa mencil kira-kira limang menit yèn ditempuh kanthi lumaku saka Senda, stasiun sepur tanpa panjaga ing jalur JR Wakayama (Negi, Prefektur Wakayama). Bapaké, ya iku Masakusu lan ibuné Tokue sayang banget lan ngugung anaké sing siji iki, ya iku siji saka wolung seduluran, wolu anak lanang lan lima anak wadon. Jeneng kulawargané Matsushita, duwé teges "ing ngisor wit pinus", jaréné amarga omahé ing ngisor wit pinus gedhé kang umuré 800 taun. Minangka wong kang duwé sawah pertanian kang mung cilik, kulawargané mau kagolong kelas dhuwuran ing masarakat. Nalika isih cilik, dhèwèké rumangsa tentrem lan nyenengaké, nanging kabèh mau ora kalaksanan kanthi suwé.

Patang taun kang wiwitan-Pungkasane Mangsa Tenang (1899)

Amarga sawah tetanèné digarap déning wong tani séwan, bapaké Masakusu nggunakaké wektune kang akèh kanggo pulitik lan aktivitas pamaréntahan lokal. Dhèwèké iku tipe wong kang seneng nganakake panaliten kang isih nayar lan béda, kalebu berspekulasi ing pasar beras, kang nalika iku njanjeni untung kanti rikat lan wis mesthi. Nanging Masakusu ora duwé kawruh akèh ngenani investasi kang apik mula dhèwèké dadi rugi lan pungkasane bangkrut. Kulawargane kepeksa ngedol lemah lan omah kang wis diwarisake turun menurun mau lan kudu ninggal désa kanggo nyambut gawé ing kutha kang cedhak, ya iku Wakayama. Kanthi sisa dhuwit sithik mau sawisé bayar utang lan panulungé kancané, Masakusu mbuka toko bakiak kayu. Nanging usaha mau amblas rong taun candhaké. Ing taun 1902, dhèwèké lunga ing Osaka saperlu nyambut gawé ing sekolah swasta kang lagi dibuka kanggo anak-anak tuna netra lan tuna grahita.