Konstantin von Tischendorf

Lobegott Friedrich Konstantin von Tischendorf (lair ing Lengenfeld, Sachsen, 18 Januari 1815 – pati ing Leipzig, 7 Dhésèmber 1874 ing umur 59 taun) punika satunggiling nimpuna Alkitab asal Jerman. Panjenenganipun dipuntepangi minangka pamanggih Codex Sinaiticus, satunggiling manuskrip Prajanjian Énggal saking abad kaping-4 ing sikil Gunung Sinai nalika taun 1859.

Konstantin von Tischendorf

Panjenenganipun kathah nelasaken wekdalipun kanggé nyinaoni Prajanjian Énggal ing Universitas Leipzig. Tischendorf gadhah gelar Ph.D. nalika taun 1838. Kalih taun salajengipun panjenenganipun lulus minangka dhosèn babagan teologi ing Leipzig.

Saking wulan Oktober 1840 dumugi Januari 1843, panjenenganipun ngrawuhi sapérangan nagari, kalebet Mesir, Walanda, Inggris, Italia, nanging wekdalipun ingkang kathah piyambak dipuntelasaken ing Prancis. Asil kunjunganipun kalebet kasilipun mertal Codex Ephraemi Syri Rescriptus. Sasanèsipun punika, panjenengènipun ugi kasil pikantuk sapérangan (43 lembar) saking Codex Sinaiticus ing Sinai.

Taun 1850 panjenenganipun nerbitaken Codex Amiatinus lan Prajanjian Lawas miturut vèrsi Septuaginta. Taun 1853 lan 1859 panjenenganipun nglajengaken lelampahan malih nuju Wétan, lan pikantuk sisa Codex Sinaiticus ingkang kathah cacahipun. Codex Sinaiticus dipunterbitken taun 1862 kanthi dana bantuan saking tsar Alexander II saking Ruslan. Tischendorf dipunanugerahi gelar bangsawan Ruslan "von" déning sang tsar nalika taun 1869.

Wacan terusan besut

  • Black, Matthew, and Robert Davidson, Constantin von Tischendorf and the Greek New Testament Glasgow: University of Glasgow Press, 1981.

Pranala njawi besut