Prof. Dr. Kuntowijoyo (ugi saged kaserat Kuntowidjojo ingkang miyos wonten ing Sanden, Bantul, Yogyakarta, 18 September 1943 lan séda ing tanggal 22 Fèbruari 2005 inggih minangka salah satunggaling sastrawan, budayawan, saha sejarawan Indonésia ingkang misuwur.[1]

Kuntowijoyo
PakaryaSastrawan, Sejarawan, Dosen
BangsaIndonésia
Warga nagaraYogyakarta
SubyèkCerpen, Sajarah
Bebungah utamaMajelis Sastra Asia Tenggara

Biografi besut

Kuntowijoyo ngrampunaen pendhidhikan formal wonten ing Madrasah Ibtidaiyah ing Ngawonggo, Klaten. Lajeng piyambakipun nerasaken sekolah SMP ing Klaten, saha nerasaken SMA ing Sala, saderengipun lulus sarjana Sajarah wonten ing Univeritas Gadjah Mada ing taun 1969. Piyambakipun pikantuk gelar MA American History saking Universitas Connecticut, Amérikah Sarékat ing taun 1974,saha Ph.D Ilmu Sajarah saking Universitas Columbia ing taun 1980. Piyambakipun lajeng mucal dadosdosen ing Fakultas Sastra Universitas Gadjah Mada saha ingkang pungkasan ing gesangipun, piyambakipun dados Guru Besar Fakultas Ilmu Budaya, saha dados panaliti senior ing Pusat Studi dan Penelitian Kependudukan Universitas Gadjah Mada, Yogyakarta.[2] Kuntoijoyo séda amargi gadhah penyait komplikasi kados ta sesek napas, diare, saha ginjel ingkang dipunjalari amargi sampun pinten-pinten taun kénging serangan virus meningo enchephalitis. Piyambakipun nilar satunggal garwa saha kalih putra.

Asiling Karya besut

Kuntowijaya wiwitan nyerat carita pendek, drama, esai, saha roman wiwit sekolah SMA. Lajeng nembé nalika piyambakipun kuliah ing Amérikah Sarékat, piyambakipun saged nyerat sajak, saha kalih kempalan puisi kanthi irah – irahan Isyarat (1976) saha Suluk Awang Uwung (1976).[3] Cerkakipun kapacak wonten ing majalah ''Horison'', harian ''Kompas'', saha kapilih dados carkak ingkang saé piyambak harian Kompas, inggih punika Laki-laki yang Kawin dengan Peri (1994), Sampan Asmara saha Pistol Bedhamèn (1995). Seratanipun ingkang wujud esai ugi kathah ingkang kapacak wonten ing koran.

  • Kereta yang Berangkat Pagi Hari novèl (1966)
  • Rumput Danau Bento drama (1969) pikantuk Bebungah Harapan Sayembara Penulisan Lakon Badan Pembina Teater Nasional Indonésia taun 1976
  • Tidak Ada Waktu Bagi Nyonya Fatma drama (1972)
  • Barda dan Cartas drama (1972)
  • Topeng Kayu drama (1973)
  • Khotbah di Atas Bukit novèl (1976)
  • Impian Amérika novèl (1998)
  • Hampir Sebuah Subversi kumpulan carkak (1999)

Penghargaan besut

Sapérangan penghargaan ingkang sampun naté dipuntampi inggih saking carkak Dilarang Mencintai Bunga-Bunga dramanipun ingkang irah-irahanipun Tidak Ada Waktu bagi Nyonya Fatma, Barda dan Cartas (1972) saha Topeng Kayu pikantuk jawara wonten ing sayembara Penulisan Lakon Dewan Kesenian Jakarta 1972 saha 1973, inggih punika Bebungah Harapan saha Bebungah Kedua. Novelipun Pasar pikantuk bebungah wonten ing Sayembara Mengarang Roman Panitian Tahun Buku Internasional DKI 1972 (terbit dados buku taun 1994). Taun 1986 piyambakipun pikantuk bebungah Seni saking Pamaréntah Daerah Istimewa Yogyakarta. Tahun 1999 piyambakipun nampi SEA Write Award dari karajan Thailand. [4] Piyambakipun ugi pikantuk penghrgaan saking Pusat Pembinaan dan Pengembangan Basa Indonésia (1999), saha Majelis Sastra Asia Tenggara (Mastera) saking novèl Mantra Penjinak Ular (2001).[5]

Cathetan suku besut

  1. Biografi Kuntowijoyo[pranala mati permanèn], dipunundhuh tanggal 21 Januari 2013)
  2. Profil di Tokoh Indonésia Archived 2006-02-09 at the Wayback Machine. Kuntowijoyo (dipunundhuh tanggal 21 Januari 2013)
  3. Rosidi, Ajip. Laut Biru Langit Biru. Pustaka Jaya, 1977, Jakarta. Kaca 543
  4. Buku Pintar Sastra Indonésia. Jakarta: Penerbit Buku Kompas. 2001. ISBN 9799251788. {{cite book}}: Unknown parameter |Penyunting= ignored (pitulung) kaca 128
  5. Rampan, Korrie. Leksikon Sastra Indonésia. Balai Pustaka, 2000, Jakarta. kaca 251