Kurusetra

Kurusetra utawa Kurukshetra (Hindi: कुरुक्षेत्र; Kurukṣetra  rungokna ) ya iku distrik ana ing nagara pérangan Haryana, India Lor. Wewengkon iki misuwur ana ing kalangan umat Hindhu dadi panggon sentral ana ing wiracarita Mahabharata, ya iku perang gedhé antarané Kurawa lan Pandhawa.

Ètimologi

Tembung Kurukshetra duwé teges "Lapangan Kuru". Ana ing basa Indonésia uga sok ditegesi dadi "Medan Kuru". Dijenengi Kurukshetra ya iku kanggo ngormati Wangsa Kuru, amarga miturut legenda, tanah iku dadi suci amarga jasa saka salah siji raja kang jenenge Kuru.

Legenda

Kisah ngenani Raja Kuru kang nyucike siji lapangan kanggo didadike tanah kang suci bisa disimak ana ing kitab Wamanapurana, lan dihubungake karo sajarah Kurukshetra. Sajarah Kurukshetra dihubungake uga karo kaanan suku Kuru, kang sok nglakokaké persembahyangan ana ing pinggir Kali Saraswati lan Drishadvati, kali kekaron mau ngalir ana ing wewengkon Kurukshetra. Kurukshetra kang ana ing wiracarita Mahabharata. Ana ing kisah iki, Kurukshetra digunakke dadi medan perang nalika para keturunan Kuru (Korawa) rebutan kakuwasan karo para seduluré Pandhawa. Sawisé kadadéan sadawané 18 dina, pertempuran dimenangake para Pandhawa. Sapérangan kilomèter saka Kurukshetra ana siji désa kang jenenge Amin. Ing désa iki ana paninggalan siji bètèng kang diyakini dadi bètèng Abimanyu, salah siji ksatriya Pandhawa, nalika jaman perang ing Kurukshetra.