Cithakan:Infobox football league Ligue 1 inggih punika divisi paling inggil wonten ing liga bal-balan Perancis. Ligue 1 kasusun saking 20 tim wiwit mangsa 2002-2003 (sadèrèngipun 18). Tiga tim paling andhap dipundégradasikaken dhateng Ligue 2, lan dipunatosaken déning tiga tim paling inggil ing divisi mau. Ligue 1, wonten ing bentukipun kados sapunika, dipunwiwiti taun 1932. Klub ingkang paling suksès inggih punika AS Saint-Étienne ingkang juara kaping 10, dipunsusul Olympique de Marseille (8), lan FC Nantes (8).

Logo Ligue 1

Sajarah besut

Jasa pelaut Inggris besut

Begja ing masa rumiyin tiyang sampun sami kenal musyawarah kanggé mufakat. Tanpa punika, mungkin bal-balan Perancis boten badhé dados modérn kados sapunika. Saged ugi Ligue 1 (Le Championnat de France de D1) ugi telat lair.

Kados déné ing bawana Amérika sarta mayoritas nagara-nagara Éropah daratan, bal-balan mlebet dhateng Prancis berkat jasa Englishmen. Klub kapisanan ingkang madeg ing nagari punika inggih Le Havre Athletic Club (taun 1872), tim ingkang sapunika dumunung wonten ing divisi 2 alias Ligue 2.[1]

Bab punika boten ngagétaken ngemut Le Havre minangka kutha pelabuhan ingkang mapan persis ing pinggir English Channel (selat ingkang misahaken Britania kaliyan Éropah). Dados, penduduk lokal wiwit ngenal dolanan punika saking para pelaut Inggris.

Nanging, sakbotenipun dumugi 1890an, wonten 3 macem aturan bal-balan ingkang dipunmainaken ing Perancis: association football, rugby football, lan hybrid football (gabungan kalih jinis ingkang pisanan).

Karena béda, perkembangan saben jinis dados boten lancar. Amargi punika tiyang-tiyang sami nindakaken musyawarah lan sarujuk kanggé damel punika langkung prasaja ing ngandhap satunggal aturan, inggih punika association football, mirib kaliyan aturan ingkang dipunkenal sapunika. Saèngga, langkung kathah tiyang ingkang remen lan bal-balan langsung ngrambah ing sadaya wewengkon ing Perancis.

Kathahipun paminat sarta klub-klub ènggal damel dipungelaripun turnamèn bal-balan regional. Paris ngawontenaken kapisanan wonten ing taun 1892 lajeng kasusul déning laladan-laladan sanèsipun.

Nanging, lantaran bédanipun ètnis lan agama, dèrèng wonten kompetisi mirunggan ingkang nggelar kanthi rutin tetandhingan antarklub skala nasional. Dumugi 1903, sakbotenipun wonten pitu turnamèn regional ingkang dipungelar ing Perancis.

Pambentukan Federasi Bal-balan Prancis ugi lumampah alon éwadéné tim Les Bleus sampun nindakaken tetandhingan antarnagara ingkang kapisanan tanggal 1 Mèi 1904 nglawan Bèlgi (skor 3-3).

Mangsa pisanan (1932) besut

 
Logo dangu.

Kadadosanipun Perang Donya I nambahi aloning prosès integrasi lan nembé ing taun 1917 turnamèn nasional Piala Prancis (Charles-Simon Cup) dipunadani. Tanggal 7 April 1919, La Federation Francaise de Football (FFF) saged jumeneng.

Sekjen FFF, Jules Rimet, kapilih dados Présidhèn Fédération Internationale de Football Association taun 1921 lan berkat visinipun Piala Dunia dipunadani taun 1930. Nanging, liga profésional ing Prancis nembé lumampah kalih taun candhakipun. Pasarta cacahipun 20 klub lan kapérang dados 2 grup.

Wonten ing mangsa perdana (1932-1933), Lille (l'Olympique Lillois) dados juara. Kompetisi liga kanthi pakem modérn nembé dipunwontenaken wonten ing taun candhakipun kanthi via pembentukan Championnat de France.

Badan punika gadhah tiga divisi kanthi jenjang, inggih punika Ligue 1 (ingkang paling inggil), lajeng Ligue 2, lan Amateur French Championship (CFA)

Rékor-rékor Ligue 1 besut

  • Gelar ingkang kathah piyambak: Saint-Etienne (10 gelar)
  • Titel berurutan ingkang kathah piyambak: Lyon (7, 2002-2008)
  • Paling dangu boten kawon wonten ing 1 mangsa: Nantes, 32 parté (1994-1995)
  • Boten kawon ing kandhang: Nantes, 92 parté (15 Mèi 1976 dumugi 7 April 1981)
  • Kemenangan ingkang kathah piyambak wonten ing satunggal mangsa: 26, Reims (1959-60), Monaco (1960-61), Nantes (1965-66, 1979-80) kanggé liga kanthi 20 tim; 25 kali, Saint-Etienne (1969-70) kanggé liga kanthi 18 tim
  • Kemenangan kandang ingkang kathah piyambak wonten ing satunggal mangsa: 19, Saint-Etienne (1974-75)
  • Kemenangan tandang ingkang kathah piyambak wonten ing satunggal mangsa: 12, déning Saint-Etienne (1969-70), Lyon (2005-2006), lan Marseille (1971-1972 lan 2008-2009)
  • Kawon paling sakedhik: 1, Nantes (1994-95)
  • Paling asring dumunung ing divisi utama: Sochaux, 57 mangsa
  • Tanpa pedhot ing divisi utama: Nantes, 44 mangsa, wiwit 1963-2007)
  • Mangsa kanthi jumlah gol aling kathah: 1946-47 (1.344 gol, rata-rata 3,51 per parté)
  • Tim paling produktif: RC Paris, mangsa 1959-60 (118 gol)
  • Pertahanan paling apik: Marseille, mangsa 1991-92, mlebet 21 gol
  • Selisih gol paling apik: Reims, mangsa 1959-60 (+63)
  • Kemenangan paling ageng: 12-1, Sochaux vs Valenciennes, mangsa 1935-36
  • Jumlah kartu kuning ingkang kathah piyambak: 1.654, mangsa 2002-03
  • Jumlah kartu merah terbanyak: 131, mangsa 2002-03
  • Klub penerima kartu merah ingkang kathah piyambak ing satunggal mangsa: 1998-99 Bastia, 2002-03 PSG, 2003-04 Lens (13 kartu)
  • Pelatih dengan parté ingkang kathah piyambak: Guy Roux, Auxerre (1961-2000, 2001-2005), 890 parté
  • Total penonton ingkang kathah piyambak: 8.086.774, mangsa 2004-05
  • Penonton ingkang kathah piyambak wonten ing satunggal tetandhingan: 77.840, Lille vs Lyon, mangsa 2007-2008.[2]

Cathetan suku besut

Cithakan:Sepak bola ing Prancis Cithakan:Ligue 1 Cithakan:Kompetisi di Éropah


Cithakan:Prancis-sb-stub