Louis-Jacques-Mandé Daguerre

Louis-Jacques-Mandé Daguerre (17871851) inggih punika salah satunggalipun seniman lan kimiawan saking Prancis ingkang misuwur amargi karyanipun ingkang namanipun prosès fotografi Daguerreotype.[1] Taun 1824, panjenenganipun ngawontenaken uji coba kanggé damel gambar, ngedalaken “pertunjukan diorama” kanthi kliling Prancis, Inggris, lan Sekotlan.[1]

Louis-Jacques-Mandé Daguerre
Louis-Jacques-Mandé Daguerre
LairCithakan:18
Cormeilles-en-Parisis, Val-d'Oise, Prancis
PatiJuli 10, 1851(1851-07-10) (umur 63)
Bry-sur-Marne, Prancis
Kondhang ingprosès pamanggihan daguerreotype
Tandha tangan

Nalika taksih enèmipun, Daguerre dados seniman. Wonten ing yuswa kinten-kinten 30 (tigang dasa) taun, panjenenganipun ngrancang “diorama”.[2] Diorama inggih punika barisan lukisan pemandhangan ingkang saé sanget, dipunpamèraken kanthi èfèk sinar cahya.[2] Panjenenganipun gadhah pamikiran kados pundi damel piranti ingkang saged nglukisaken pemandhangan nanging boten mawi kuas lan cèt.[2] Èkspèrimèn ingkang sepisanan damel rancangan kodhak ingkang dèrèng saged kasil.[2]

Ing taun 1827, panjenenganipun kepanggih kaliyan Joseph Nicephore Niepce ingkang ugi taksih nyobi damel kodhak. Kalih taun salajengipun, Daguerre lan Niepce sesarengan nyobi damel kodhak.[2] Nanging ing taun 1833, Niepce tilar donya. Kapeksa Daguerre nglajengaken damel kodhak piyambak. Pungkasanipun Daguerre saged kasil ngembangaken satunggal sistem praktis fotografi ingkang namanipun “daguerreotype”.[2]

Taun 1839 Daguerre maringi informasi dhumateng bebrayan umum (masarakat) prakawis kodhak punika, nanging dèrèng dipunpatènaken. Pamaréntah Prancis maringi kanugrahan dhumateng Daguerre wujud pènsiun salawasipun gesang.[2] Amargi prastawa punika, Daguerre dados tiyang ingkang sanget dipunurmati déning masarakat lan dipunanggep kados déné pahlawan.[2]

Daguerre tilar donya taun 1851 ing caket kitha Paris, Prancis.[2]

Cathetan suku besut

  1. a b Daguerre, Louis Jacques Mande Archived 2009-04-18 at the Wayback Machine. dipunundhuh tanggal 25 Juni 2011)
  2. a b c d e f g h i [Michael H. Hart. 1978. Seratus Tokoh yang Paling Berpengaruh dalam Sajarah. Jakarta: Dunia Pustaka Jaya]

Pranala njawi besut