Naga Bonar

filem Indhonésia

Naga Bonar inggih punika filem komedi ingkang ngenyèk kapahlawanan kang mundhut latar jaman perang kamardikan.[1] Rikala saweg nglawan wadyabala Walanda paska kamardikan ing tlatah Sumatera Utara.

Sampul filem Naga Bonar
Naga Bonar
Barkas:Nagabonar-sampul.jpg
DisutradaraniMT Risyaf
Ditulis déningAsrul Sani
DibintangiNurul Arifin
Deddy Mizwar
Wawan Wanisar
Roldiah Matulessy
Piet Pagau
DimusikiFrankie Raden
Suwéné
95 menit
NagaraIndhonésia Indonésia

Sinopsis besut

Naga Bonar (Deddy Mizwar) inggih punika tiyang ingkang pakaryananipun dados copét saking Medan ingkang asring mlebet-medal kunjara Jepang, piyambakipun reréncangan kaliyan tiyang ném namanipun Bujang.[2] Sawangsulipun saking kunjara, Bang Pohan (Piet Pagau) ngendikan babagan proklamasi kamardikan Indonésia kang sampun dipunproklamasikaken ing Jakarta, saha ing Medan ingkang déréng sempet dipunmardikakaken amargi kedah merangi Walanda ingkang sampun mlebet ing tlatah Indonésia kanthi maksud kanggé nguwaosi malih. Lumantar narator radio, dipuncariyosaken Dhokter Zulbi ingkang mbiyantu Naga Bonar rikala gerah, Dhokter Zulbi punika réncang Bang Pohan kang dipunperkirakaken mata-mata saking Walanda kang sajatosipun namung isu.[2] Naga Bonar dados bala larik paling inggil wonten ing wadyabala nglawan Walanda, sasampunipun pinten-pinten perlawanan kang sengit Naga Bonar dipunlampahaken saking markas kanggé mundhur amargi perundingan kaliyan Walanda ajeng dipunwiwiti.[2] Pindhahing wadyabala saking désa wonten ing markas, ndamel Naga Bonar tresna kaliyan putrinipun Dhokter Zulbi, Kirana (Nurul Arifin), ugi kacariyosaken reréncanganipun Naga Bonar kaliyan Bujang (Afrizal Anoda) saha sikap ngrumati ing ibunipun (Roldiah Matulessy). Wonten ing perundingan Walanda kaliyan Indonésia, Naga Bonar ingkang dados sesulih Indonésia nedahaken Parit Buntar minangka tlatah tentaranipun (amargi Naga Bonar boten saged maos péta).[2] Juru serat wadyabala, Lukman, ngendika manawi Parit Buntar punika papan ingkang sampun dipunlungguhi Walanda.[2] Sasampunipun, Naga Bonar milai nyaketi Kirana kanthi asil kang muasaken. Énjingipun Bujang ngasta ageman jenderal Naga Bonar saha tindak dhateng Parit Buntar kanggé nglawan Walanda, naas, piyambakipun pejah. Ingkang pungkasan, sesarengan kaliyan Kirana saha pasukanipun tindak dhateng Parit Buntar kanggé musnahaken markas Walanda, usaha punika kalaksanan kanthi gancar saha asil. Filem punika dipunpungkasi kanthi orasi Naga Bonar saha Kirana dhumateng nom-noman Indonésia.[2] Filem Naga Bonar ugi wonten kalajenganipun, inggih punika Naga Bonar 2. Kaanan filem ingkang sampun rusak dipunkemas langkung saé saha tata, filem punika dipunrilis ing wulan mei taun 2008.

Cathetan suku besut

  1. Gegambaran pilem Naga Bonar (dipununduh 15 Novèmber 2012)
  2. a b c d e f Sinopsis (dipununduh 15 Novèmber 2012)

Pranala njaba besut