Pélog iku salah sijiné titilaras ing gamelan.[1] Saliyané Pelog, ana uga sléndro.[1] Pelog béda karo sléndro , ing Pelog ana angka 4 (papat) karo 7 (pitu). Laras Pelog duwé 7 nada ya iku 1 2 3 4 5 6 7.[1]

Asal-Usul besut

Durung ana ahli kang bisa mesthèkaké kapan laras Pelog wiwit ana ing tanah Jawa.[1] Para empu Karawitan uga ora ana kang ngerti babagan iki.[1] Nanging kang jelas, laras Pelog iku kalebu ing larang anyar ing donya karawitan ing Jawa.[1] Amarga, asliné laras Gamelan ing Jawa iku biyèn mung sléndro.[1]

Notasi besut

Angka Pangucap Jeneng
1 ji (siji) panunggul
2 ro (loro) gulu
3 lu (telu) dhadha
4 pat (papat) pélog
5 ma (lima) lima
6 nem (enem) nem
7 pi (pitu) barang

Watak lan Pathet besut

Ing Bali, Pélog minangka kaanan kang seneng, amarga asring dienggo kanggo acara nikahan lan kanggo iringan Jogèd.[2]

Ing Jawa, ana telung pathet.[2] Pathet iku kapérang dadi Nem, Lima, lan Barang.[2]

Pathet Nem besut

Lumrahé ditulis "Pelog Nem’’.[2] Pathet iki dienggo ing swara kang cendhek kanthi adhedasar 2 karo 3.[2] Pérangan swara ing pathet iki asring disilih déning pathet liyané.[2] Ing pelog pathet 5 dienggo kanggo pagelaran wayang sadurungé tengah wengi.[2]

Pathet Lima besut

Lumrahé ditulis "Pelog Lima".[2] Pathet iki dhedhasar swara angka 5 karo 1.[2] Pathet iki dienggo selang-seling karo pelog pathet nem ing pagelaran wayang nalika isih bukaning wengi nganti tengah wengi.[2]

Pathet Barang besut

Pathet iki nganggo swara angka 6, 2, lan 3 dadi dhasaré.[2] Tinimbang Pelog liyané, pathet Barang luwih dhuwur swarané lan luwih sigrag.[2] Beberangen karo Sléndra Manyura, pathet iki dienggo ing wayah ésuk, wiwitané wengi, pungkasané wengi, lan kanggo upacara-upacara mirunggan.[2]

Cathetan suku besut

  1. a b c d e f g joglosemar.co.id Gamelan Archived 2021-04-11 at the Wayback Machine.(30 Mèi 2011)
  2. a b c d e f g h i j k l m Jawa (8 Juli 2011)

Uga delengen besut