Pasa kanggoné umat Katulik Roma tegesé ngurangi panganan mung sapisan sadina. Bab iki bisa dikanthi nganggo tarak ora dhahar daging. Gréja Katulik Roma percaya yèn kabèh wong duwé kewajiban marang Tuhan kanggo nglakoni ibadat pertobatan lan kagiyatan-kagiyatan pertobatan iki dilakoni kanthi pribadi utawa bebarengan. Gréja Katulik majibaké umat Katulik supaya nglakoni kagiyatan-kagiyatan pertobatan sing nyata, kalebu pasa lan nahan dhiri, mligi ing sajeroning mangsa Pra-Paskah. Aturan Katulik Roma iki asalé saka Konstitusi Apostolik Paus Paulus VI, Paenitemini, taun 1966. Umat gréja-gréja Katulik Timur duwé kawajiban naati kabiasaan gerejané dhéwé-dhéwé ngenani bab iki.

Kabiasaan umat Katulik ora dhahar daging agawé panganan iwak gorèng ing dina Jemuwah dadi misuwur.