Piye (Pirangon)

Piye iku pirangon sepisanan kang asalé saka pedalaman Afrika, Nubia (saiki sapérangan gedhé wewengkoné ana ing Sudan), kang naklukaké Mesir Kuna ing taun 730 SM. Mila panjenengané dadi panguwasa rong nagara sisan, Nubia lan Mesir(Draper, 2008). Tulisan Robert Drawer dhéwé, didhasaraké marang panemon Charles Bonet kang wis nemu patung-patung kuna ing Kerma, kutha krajan Nubia, Sudan.

Tujuan panaklukan ya iku kanggo nylametaké lan manunggalaké Mesir saka situasi pulitik kang kawilah-wilah déning faksi-faksi kang pasulayan wektu iku. Pérangan lor Mesir wektu iku dipréntah déning pamimpin Libya kang kasil olèh kapercayan rakyat Mesir liwat jebakan tradhisi firauniah. Nanging nalika kasil, kanthi alon-alon tradhisi mau malah diilangangi. Piye wis kasil mbalèkaké adat istiadat, budaya, spiritual, pasaréan, lan yasan-yasan piramida sajati kang wis ilang saka Mesir kang sadurungé wis diadhopsi lan dilestarèkaké déning Nubia. Amarga Piye akiré Mesir bisa bali dadi Mesir sajati.

Piye mangkat taun 721 SM lan disarèkaké ing siji piramida gaya Mesir. Piye iku firaun sepisanan kang disarèkaké kanthi cara mau punjul 500 taun. Nganti saiki para arkéologi durung kasil nemu gambaran wutuh wangun pasuryané, saliyané patung sikik kang kasisa lan siji rélièf ing kuil kang nelakaké yèn Piye duwé kulit warna ireng, ing kuil ing Napata, kutha krajan Nubia.

Pratélan pustaka besut

  • Robert Draper, Para Pirngon Hitam, Majalah National Geographic Indonésia, Edhisi Fèbruari 2008.
  • Koran Tempo, 29 Januari 2003.