Pretzel iku jinis kué kang awujud telung simpul utawa belitan kang asalé saka Éropa.[1][2] Rasané asin lan rada legi, saliyané tèksturé ana kang lembut (roti) lan uga ana kang dipanggang nganti dadi atos. Minangka panganan, pretzel uga diasosikaké karo pirang-pirang latar wuri lan tradhisi kabudayan. Adhonan pretzel kang kagawé saka ragi kanyana asalé saka tradhisi Kristen Éropa ing Abad Patengahan.

Macem-macem Pretzel

Saiki pretzel wis dadi kudhapan kang misuwur banget ing pirang-pirang nagara. Pretzel kang atos wis dikembangaké dadi pirang-pirang jinis bentuk, wiwit saka simpul kang dipilin nganti tekan kang dhapuré lurus kaya déné tongkat—kang diarani kanthi istilah salzstangen utawa tongkat uyah amarga ing sadhuwuré ditawuri karo uyah. Saliyané iku, wong-wong ing Hungaria ngarani kanthi sesebutan rop.[3] Pretzel padhetan tinemu ing kidulé Jerman (Swabia, Baden, lan Bavaria), lan Switserlan. Ing panggonan iku pretzel asring diiris kanthi cara horisontal, diwènèhi mentega, lan didol minangka pretzel mentega. Wong ing Bavaria mangan pretzel kanggo sarapan, bebarengan karo saos sosis putih. Ing Hungaria pretzel kanthi jinis iku diarani perec.

Pretzel padhetan dilapisi karo pérangan kang kinclong lan diwènèhi uyah. Pretzel bisa tinemu ing pirang-pirang macem wujud lan ukuran. Pretzel empuk tradhisional kira-kira ukurané satangan. Padhetan pretzel atos iku mung tongkat kang kandelé 2–3 mm. Pretzel atos kang kandelé 0.8-1.5 cm diarani kanthi sesebutan pretzel Bavaria. Ing pirang-pirang praja ing Éropa kaya déné Ostenrik, pretzel tradhisional asring ngandhut wiji jinten kang cinampur ing adhonan.

Cathetan sikil besut

  1. (ing basa Indonésia)solfacorners.com Archived 2011-07-26 at the Wayback Machine. DIY Simple Pretzel (kaundhuh tanggal 22 Agustus 2011)
  2. (ing basa Indonésia)okefood.com Sugar Pretzel (kaundhuh tanggal 22 Agustus 2011)
  3. (ing basa Indonésia)médhia.indonesia.com Archived 2012-05-24 at the Wayback Machine. Kudapan Populer Pretzel Saus Mustard (kaundhuh tanggal 22 Agustus 2011)

Pranala njaba besut

 
Wikibooks
Wikibooks gadhah buku kanthi sesirah