Pura Luhur Uluwatu

Pura Luhur Uluwatu yaiku pura kang dumunung ing Désa Pecatu, Kuta, Badung (kurang luwih 31 kilomèter saka Denpasar mengidul.[1][2] Pura iki madeg ing pucuk kidul-kulon Pulo Bali ing sandhuwuré anjungan watu karang kang terjal lan njorok ing laut.[1]. Pura Uluwatu mapan ing lemah kang dhuwure 97 mèter saka laut.[1] Ing ngarep pura ana alas cilik kang diarani alas kekeran minangka sangga kasucening pura.[1] Pura Uluwatu nduwé sapérangan pura pesanakan, yaiku pura kang raket gandheng cenenge karo pura induk.[1] Pura pesanakane yaiku Pura Bajurit, Pura Pererepan, Pura Kulat, Pura Dalem Selonding, lan Pura Dalem Pangleburan.[1] Saben-saben pura nduwé gegayutan karo Pura Uluwatu mligine ing dina-dina piodalane.[1] Piodalan ing Pura Uluwatu, Pura Bajurit, Pura Pererepan lan Pura Kulat iku dina Selasa Kliwon Wuku Medangsia saben 210 ari.[1] Déwa kang dipuja ing Pura Uluwatu yaiku Déwa Rudra.[1] Pura Luhur Uluwatu mapane adhep-adhepan karo Pura Andakasa, Pura Batur, lan Pura Besakih.[2] Awit saka iku, akèh umat Hindhu percaya bilih ing Pura Uluwatu iku sarana kanggo nyenyuwun nugrahaning Gusti kanggo tumataning urip ing donya.[2] Mula ing Pura Uluwatu daya wisesa utawa kekuwatan spiritual saka telung déwa yaiku Brahma, Wisnu, lan Siwa ngumpul dadi siji ing kono.[2] Daya wisesa déwa Brahma saka Pura Andakasa, déwa Wisnu saka Pura Batur lan déwa Siwa saka Pura Besakih.[2]

Pura Luhur Uluwatu

Sajarah besut

Miturut Lontar (pustaka kuna]], Kusuma Déwa Pura iki madeg saka pituturing Mpu Kuturan nalika abad kaping 11.[2] Pura iki siji saka enem pura Sad Kahyangan kang ditulis ing Lontar Kusuma Déwa.[2] Pura kang karan ing Lontar iku yaiku Pura Besakih, Pura Lempuhyang Luhur, Pura Goa Lawah, Pura Luhur Uluwatu, Pura Luhur Batukaru lan Pura Pusering Jagat.[2] Saliyané Pura Sad Kahyangan, Pura Uluwatu uga diarani Pura Padma Bhuwana.[2]

Cathetan suku besut