Ngahad, 30 Sèptèmber 2007 besut

30 - Pelari Étiopia, Haile Gebrselassie nyithak rekor donya maraton énggal.

30 - Tim bal-balan wanita Jerman ngawonaken Brasil ing final Piala Donya Wanita FIFA 2007.

30 - Viswanathan Anand saka India mimpangaken Kajuwaran Donya Catur tanpa kalah.

Rebo, 26 Sèptèmber 2007 besut

26 - Wolu pengunjuk rasa,kalebet gangsal tiyang bhiksu dipunlaporaken tiwas nalika pihak berwajib ngupados mbubaraken aksi unjuk rasa nentang rezim militèr ing Myanmar. (sumber)

26 - Satunggaling kreteg ingkang pinuju dibangun ing Vietnam runtuh lan niwasaken watawis 60 jiwa lan adamel tatu 150 sanèsipun. (sumber)

Senèn, 24 Sèptèmber 2007 besut

24 - Présidhèn Iran Mahmoud Ahmadinejad ngunjungi New York, AS kanggé ngrawuhi Majelis Umum PBB, lan paring sesorah ing Universitas Columbia. Kunjungan punika micu protès saking médhia, pulitisi lan kaum Yahudi New York. (sumber)

Ngahad, 23 Sèptèmber 2007 besut

23 - Yasuo Fukuda kapilih minangka ketua Parté Dhémokrat Liberal Jepang satemah badhé dados Mahamantri Jepang ka-91. (sumber)

Setu, 22 Sèptèmber 2007 besut

22 - Tokoh dhémokrasi Myanmar Aung San Suu Kyi nyaruwé dhumateng para demonstran anti junta militèr ingkang dumados saking 1.000 pendhita Buda ing Yangon, Myanmar. (sumber)

Rebo, 19 Sèptèmber 2007 besut

19 - Satunggiling bom montor njeblug ing Beirut, Libanon lan niwasaken 7 jalmi,kalebet satunggal anggota Parlemen Lebanon, Antoine Ghanim. (sumber)

Senèn, 17 Sèptèmber 2007 besut

17 - Maskapé pamiberan Singapore Airlines kasil nggayuh sabotenipun S$1,9 juta (watawis Rp12 miliar) saking lélang tikèt perdhana pesawat Airbus 380 ingkang dipunserahaken dhumateng tigang badan amal. (sumber)

17 - Bakrie Telecom kapilih nyelenggarakaken layanan jaringan tetep sambungan langsung internasional ing Indonésia lan nyisihaken kalih sainganipun Excelcomindo Pratama lan Natrindo Seluler. (sumber)

Ngahad, 16 Sèptèmber 2007 besut

16 - Satunggaling jèt penumpang One-Two-Go Pamiberan 269 ingkang ngangkud 130 jalmi dhawah nalika ndharat ing tengah guyuran jawah ing Phuket, Thailand njalari 88 jalmi tiwas lan 42 tatu, kalebet 5 kritis. Pesawat punika dipunjuru anggeganai déning juru anggegana Indonésia Arief Mulyadi ingkang ugi tiwas ing kacilakan punika. (sumber)

16 - Lindhu kakiyatan 4,7 skala Richter ngguncang Tasikmalaya, Jawi Kilèn. Miturut data Badan Meteorologi dan Geofisika, lindhu punika kadadosan ing tabuh 19.06 WIB. (sumber)

16 - Lindhu kakiyatan 4,6 skala Richter ngguncang Bali. Miturut Badan Meteorologi dan Geofisika, lindhu kasebat kadadosan ing 8,75 LS - 115,44 BT utawi kinten-kinten 21 km kidul-wétan pasisir Sanur ing tabuh 22.57 WIB ing kalebetan 46 km. (sumber)

16 - Tigang lindhu kadadosan beruntun ing Sungaipenuh, Jambi lan Painan, Sumatra Kilèn ing salebeting wekdal tigang jam kanthi kakiyatan 5 ngantos 5,6 skala Richter. (sumber)