Taman Nasional Sembilang
Taman Nasional Sembilang iku taman nasional kang ambané 2.051 km2 sauruté pasisir wétané Pulo Sumatra, Indonésia. Taman iki pérangan gedhéné wujud rawa minangka alas endhut (peat forest), sairib kaanané Taman Nasional Berbak ing sacedhaké. Taman loro iku minangka palemahan teles Ramsar kang olèh kawigatèn internasional.[2] Taman iki sinebut taman mawa gegrombolan manuk pasisir kang tatanané paling angèl sadonya, kanthi 213 spésies kang kacathet, lan minangka papan tumangkaré koloni-bango-susu-kang-paling-gedhé. Saka Palémbang menyang Taman Nasional Sembilang suwéné sajam sarana dalan dharat banjur karo-tengah jam saran prau lan dibacutaké manèh dalan dharat sajam.[3]
| Taman Nasional Sembilang | |
|---|---|
IUCN kategori II (taman nasional) | |
  TN Sembilang Pernahé ing Sumatra | |
| Pernah | Sumatra, Indonésia |
| Koordhinat | 1°57′S 104°34′E / 1.950°S 104.567°EKoordhinat: 1°57′S 104°34′E / 1.950°S 104.567°E |
| Laladan | 2,051 km2 |
| Dikukuhaké | 2001 |
| Bebadan pamaréntahan | Kementerian Kehutanan |
| Kadhapuk | 6 Maret 2011 [1] |
Flora lan fauna besut
Watara saparoné taman iki awujud alas mangrove, déné liyané awujud alas-rawa endhut, alas tropis, lètèran lendhut (mudflat), alas rawa abanyu tawa, lan alas sempadan (riparian forest).
Taman iki minangka habitaté spésies mamal cacah 53, kaya ta macan sumatra kang kadrawasan, gajah sumatra, tapir malayu, uwa sirah ireng (black-headed gibbon), lan siamang, uga macan méga sundha (Sunda clouded leopard) kang sajeroning bebaya cures, kucing watu (marbled cat), kucing sirah lètèr (flat-headed cat), bruwang madu, lan kethèk buntut babi kidul (southern pig-tailed macaque).
Kali-kali ing taman iki minangka habitaté 140 punjul spésies iwak lan 38 spésies yuyu, uga berang-berang éurasiah kang ing jeroning bebaya cures, berang-berang ules alus, penyu kali kalimantan, penyu bathok, bulus, lumba-lumba indho-pasifik, lan pesut.
Ing taman iki ana koloni bango susu kang gedhé dhéwé sadonya, lan salah siji koloni thonthong kang gedhé. Manuk ing sajeroning bebaya ing taman iki kaya ta: bango buthak ireng, bèbèk suwiwi putih, kedhidhi sikil ijo blenthèng, lan kedhidhi wétan. Gunggungé populasi manuk ing taman iki winatara nyandhak sayuta, déné nalika mangsa salju, manuk migratori cacah 100.000-an lèrèn ing taman iki.
Konservasi lan bebaya besut
Taman nasional iki dikukuhaké ing taun 2003. Bebaya kang ngincim taman iki ya iku pambabading alas cilik-cilikan tur ilégal, srèmpèdan (abrasion) 15 mèter saben tauné, lan kagiyatan kolam-kolam iwak ing pasisiré. Réstorasi mangrove wis dicakaké ing palemahan kang ambané 200 héktar lan isih terus tambah.
Rujukan besut
- ↑ "Ramsar List". Ramsar.org. Dibukak ing 12 April 2013.
- ↑ "Ramsar Database" Archived 2014-03-25 at the Wayback Machine., retrieved 14 December 2014
- ↑ Ansyor Idrus (October 7, 2014). "Mangrove restoration to safeguard Sembilang National Park".
Pranala njaba besut
- Kementerian Kehutanan: Deskripsi singkat Archived 2010-02-28 at the Wayback Machine.