Transpor aktif ya iku obahan utawa pamindhahan kang nggunakaké ènergi kanggo ngetokaké lan nglebokaké ion –ion lan molekul lumantar membran sel kang asipat permeabel kanthi ancas njaga keseimbangan molekul cilik ing jero sel. [1][2] Transpor aktif didayani déning momotan listrik ing jero lan ing jaba sel, lan momotan listrik iki ditemtokake déning ion natrium (Na+), ion kalium (K+), lan ion klorin (Cl-).[1] Bisané ion Na+ lan K+ lumebu lan metu diatur déning pompa natrium-kalium.[1] Transpor aktif bisa mandheg yèn sel diademake, ngalami keracunan, utawa kentékan ènergi.[2]

Pompa natrium-kalium ya iku tuladha transpor aktif.

Transpor aktif mbutuhake molekul pangangkut wujud protéin integral ing membran, lan ing molekul iki ana situs pangiketan.[1] Prosès transport aktif diwiwiti kanthi njupuk telung ion Na+ saka jero sel lan manggoni situs pangikatan ing protéin integral.[1] Energi diperlokake kanggo ngowahi wujud protéin integral ing membran kang sadurungé menga ing arah jero sel dadi menga ing jaba sel.[1] Banjur ion Na+ pedhot saka situs pangiketan lan metu saka protéin integral anuju jaba sel.[1] Banjur saka jaba sel, loro ion K+ manggoni situs pangikatan ing protéin integral.[1] Wujud protéin integral owah, saka sadurungé menga ing arah jaba dadi menga ing arah jero sel lan ion kalium diuculake ing jaba sel.[1]

Uga delengen besut

Cathetan suku besut

  1. a b c d e f g h i Karmana O. 2008. Biologi. Indonesia: Grafindo Media Pratama. Hal 22. ISBN 978-979-758-583-9.
  2. a b Setiowati T, Furqonita D. 2007. Biologi Interaktif. Jakarta: Azka Press. Hal 20. ISBN 979-1211-25-6.