Troll iku makluk buas sajenis raseksa sajeroning carita-carita rakyat Skandinavia. Troll urip ing guwa-guwa sing jero lan peteng, utawa ing njero lemah. Troll ukuranné luwih gedhé tinimbang manungsa lan duwé tenaga sing gedhé. Karakter Troll mèmper karo Ogre (lafal: O-gêr) sajeroning carita rakyat Inggris.

Troll

Sajeroning carita-carita fiksi fantasi utawa permainanan, karakter Troll asring disilih minangka karakter pandhukung. Sajeroning carita The Lord of The Rings, Troll digunakaké minangka tenaga pangangkut beban sing abot utawa minangka wadyabala pangrusak saka karajan pepeteng Mordor. Bebarengan para Orc, Troll nyerang karajan Gondor. Sajeroning carita Harry Potter, Troll minangka makluk raseksa sing dikurung ing ngisor lemah.