Ing anatomi, urétra iku saluran sing ngubungaké kandhung kemih nuju lingkungan njaba badan. Urétra duwé fungsi minangka saluran pangguwang ing sistem kemih utawa èkskrèsi lan sistem sèksual. Kanggo wong lanang, uga duwé fungsi ing sistem réprodhuksi minangka saluran metuné banyu mani.

Urétrané wong lanang.

Anatomi besut

Urétrané wong wadon besut

Dawané urétra wong wadon watara 2,5 tekan 4 cm lan ana ing antarané klitoris lan bukaan vagina.

Wong lanang duwé urétra sing luwih dawa tinimbang wong wadon. Tegesé, wong wadon luwih duwé risiko kena infèksi kandhung kemih utawa sistitis lan infèksi saluran kemih.

Urétrané wong lanang besut

Urétrané wong lanang dawané watara 20 cm lan tekan pucuk penis.

Urétrané wong lanang dibagi dadi 4 pérangan sing dijenengi selaras karo papané:

  • pars pra-prostatica, ana ing sadurungé klanjer prostat.
  • pars prostatica, ana ing prostat, ing kéné ana bukaan cilik papan anané muara vas deferens.
  • pars membranosa, watara 1,5 cm lan ing lateral ana klanjer bulbouretralis.
  • pars spongiosa/cavernosa, watara 15 cm lan liwat ing corpus spongiosum penis.

Histologi besut

Sel èpitèl saka urétra diwiwiti minangka sel transisional sawisé metu saka kandhung kemih. Sadawané urétra disusun déning sel èpitèl mawa tingkat torak, banjur sel mawa tingkat kubis ing saceraké bolongan metu.

Ana uga klanjer urétra cilik sing ngasilaké ilu kanggo mbantu nglindhungi sel èpitèl saka urin sing korosif.

Masalah klinis besut

Infèksi saka urétra karan urétritis. Masalah iki luwih umum dumadi ing wanita. Urétritis iku jalaran umum saka dysuria (perih nalika nguyuh).


Sistem urin

Ginjel | Urètèr | Kandhung kemih | Uréthral sphincter | Urétra