Wi-Fi punika singkatan saking Basa Inggris Wireless Fidelity. Wi-Fi inggih punika kempalaning standar ingkang kaginakaken kanggé Jaringan Lokal Nirkabel (Wireless Local Area Network) utawi WLAN kanthi dhasar spesifikasi Institute of Electrical and Electronics Engineers IEEE 802.11. Standar paling énggal saking spèsifikasi 802.11a utawi b sapunika nembé dipunsusun. Wiwitanipun Wi-Fi punika ancasipun kanggé perangkat nirkabel utawi Jaringan Area Lokal (LAN), nanging sapunika kathah dipun-ginakaken kanggé ngaksès internet.[1].

logo Wi-Fi

Wonten ing jaringan Wi-Fi, komputer kaliyan kartu jaringan Wi-Fi kaubungaken tanpa kabel dhateng perute nirkabel. Perute utawi router kasambung dhateng internet kanthi médhia modem, padatanipun kabel utawi modem DSL. Jaringan Wi-Fi saged dados kabikak saéngga sinten kemawon saged ngginakaken. Wonten ugi ingkang sipatipun ketutup utawi manawi badhé ngginakaken mbetahaken kata kunci (password). Area ingkang wonten akses nirkabel punika dipunwastani area hotspot nirkabel [2].

Sajarah besut

Sejarahing tèknologi 802.11 kawiwitan ing putusan Komisi Komunikasi Federal AS ing taun 1885 ingkang ngrilis pita GSM kanggé pangginaan tanpa lisensi [3]. Ing taun 1991, [[NCR Corporation sesarengan kaliyan At&T manggihaken pendahulu 802.11 ingkang katujukaken kanggé sistem kasir. Produk-produk nirkabel kapisan wonten ing sangandhaping nama WaveLAN. Vic Hayes dipunwastani Bapak Wi-Fi lan ndhèrèk ing perancangan standar kapisan IEEE [4][5].

Cara Kerja Wi-Fi besut

Teknologi jaringan wi-fi punika cara kerjanipun ngginakaken gelombang radio lan jaringan tanpa kabel utawi wireless LAN (Local Area Network) saking komputer, peruté utawi router nirkabel punika pikantuk peran ingkang wigati ing sistem kerja Wi-Fi. Adaptor punika nampi data saking komputer kanthi wujud digital. Saksampunipun data mau dipun-konversi dhateng wujud gelombang radio lajeng dipunkintun tumuju peruté kanthi médhia anténa. Sinyal decode peruté punika ngirim dhateng internet. Prosès punika kondur malih nalika informasi ingkang dipunkintun saking internet tumuju komputer [6].

Spesifikasi besut

Wi-Fi dipunrancang dhedhasar spesifikasi IEEE 802.11. Samenia wonten sekawan jinis variasi saking 802.11,inggih punika:

  • 802.11a
  • 802.11b
  • 802.11g
  • 802.11n

Spesifikasi b punika produk kapisan Wi-Fi. Variasi g lan n punika salah satunggal produk ingkang gadhah nila penjualan ingkang kathah piyambak ing taun 2005.

Spesifikasi Wi-Fi
Spesifikasi Kecepatan Frekuensi
Band
Cocok
kaliyan
802.11b 11 Mb/s ~2.4 GHz b
802.11a 54 Mb/s ~5 GHz a
802.11g 54 Mb/s ~2.4 GHz b, g
802.11n 100 Mb/s ~2.4 GHz b, g, n

Versi Wi-Fi sapunika ingkang paling wiyar ing pasaran AS (dhedhasar IEEE 802.11b/g) operasinipun ing 2.400 MHz dumugi 2.483,50 MHz. Awit makaten paring ijin operasi ing 11 channel (saben channel pikantuk 5 MHz), kanthi pusat frekuensi kados ing ngandhap punika:

  • Channel 1-2,412 MHz;
  • Channel 2-2,417 MHz;
  • Channel 3-2,422 MHz;
  • Channel 4-2,427 MHz;
  • Channel 5-2,432 MHz;
  • Channel 6-2,437 MHz;
  • Channel 7-2,442 MHz;
  • Channel 8-2,447 MHz;
  • Channel 9-2,452 MHz;
  • Channel 10-2,457 MHz;
  • Channel 11-2,462 MHz

Miturut teknis operasional, Wi-Fi punika salah satunggaling varian tèknologi komunikasi lan informasi ingkang kerja wonten ing jaringan lan perangkat WLAN (Wireless Local Area Network). Dados Wi-Fi punika sertifikasi mèrek dagang ingkang dipunparingi parbrikan dhateng perangkat telekomunikasi (internet) ingkang kerja ing jaringan WLAN lan sampun njangkepi kualitas kapasitas interoperasi. Teknologi internet kanthi dhasar Wi-Fi punika dipundamel lan dipunkembangaken déning kelompok insinyur Amérikah Sarékat ingkang kerja ing Institute of Electrical and electronics Engineers utawi IEEE dhedhasar standar teknis perangkat kanthi angka 802.11b, 802.11a dan 802.16.

Cathetan suku besut

  1. [1],Wi-Fi (dipun-akses tanggal 12 November 2012).
  2. [2] Archived 2012-11-17 at the Wayback Machine.,Tahukah anda apa itu wi-fi (dipun-akses tanggal 12 November 2012).
  3. "Wi-Fi (wireless networking technology)". Encyclopædia Britannica.
  4. Ben Charny (December 6, 2002). "CNET Vision series". CNET.
  5. Olga Kharif (April 1, 2003). "Paving the Airwaves for Wi-Fi". Bloomberg Businessweek.
  6. [3] Archived 2012-08-15 at the Wayback Machine., (id) http://www.jaringankomputer.org Wi-Fi (dipun-akses tanggal 27 Dhésèmber 2012).