Wolfgang Amadeus Mozart

Wolfgang Amadeus Mozart (Salzburg, 27 Januari 1756Wina, 5 Dhésèmber 1791), punika satunggiling komposer musik saking Ostenrik. Piyambakipun saged kaangep juru musik ingkang jénius. Saking wiwit alit sampun saged manggubah musik klasik. Karyanipun kathah sanget (kirang langkung 700 lagu).

Gambar Mozart ing Bologna, Italia (1777).

Karya-karyanipun antawis sanès: Pawiwahan Figaro (Le nozze di Figaro) (1786), Don Giovanni (1787), kaliyan Sruling Ajaib (Die Zauberflöte) (1791). Karyanipun ingkang pungkasan, Requiem, dèrèng bibar awit sampun tilar donya. Lajeng karya punika dipunbibaraken déning Franz Xaver Süssmayr.

Pratélan komposisi besut

Mozart nilaraken warisan komposisi musik kathah sanget. Komposisi-komposisinipun sampun dipunpilah-pilah per genre (jinis) ing K.V. (Köchel-Verzeichnis, 1937). Sawijining ringkesan cekak karya Mozarts ugi naté dipunterbitaken ing 1951 mawi judhul Der kleine Köchel. Lajeng ugi wonten Verzeichnüss, punika cekakan saking Verzeichnüss aller meiner Werke (1784-1791), sawijining pratélan komposisi ingkang dipunserat déning Mozart piyambak. Lajeng ugi wonten sistèm AMV (Alte Mozart-Ausgabe) kaliyan NMA (Neue Mozart-Ausgabe) ingkang dipun-ginakaken.

Pratélan opera Mozart:

Judhul KV bibar ing isi sanès-sanès
Die Schuldigkeit des erstes Gebotes KV35 1767
Apollo et Hyacinthus KV38 1767
Bastien en Bastienne KV50 1768
La finta semplice KV51 1768
Mitridate KV87 1770
Ascanio in Alba KV111 1771
Betulia Liberata KV118 1771 Judith kaliyan Holofernes
Il sogno di Scipione KV126 1772
Lucio Silla KV135 1772
Thamos, König in Ägypten 1773, 1775
La finta giardiniera KV196 1774
Il rè pastore KV208 1775
Zaide KV344 1779
Idomeneo KV366 1780
Die Entführung aus dem Serail KV384 1782
L'oca del Cairo KV422
Lo sposo deluso KV430
Der Schauspieldirektor KV486
Le nozze di Figaro KV492 1786 Satunggiling tukang cukur ingkang gandrung
Don Giovanni KV527 1787 Satunggiling playboy
Così fan tutte KV588 1789
Die Zauberflöte KV620 1791 prakawis free masonry (vrijmetselarij)
La clemenza di Tito KV621 1791

Requiem besut

Ing warsa 1791 Mozart kadhatengan tiyang ingkang boten dipuntepangi. Piyambakipun kajeng pesen satunggiling misa Requiem. Alesan saha jati dhirinipun boten purun dipunbèbèraken. Bésok tibakipun tiyang punika Raden Franz von Walsegg-Stuppach. Priyantun punika panci gadhah kabiasaan pesen komposisi musik lajeng dipunsalin kaliyan dipunakoni piyambak.

Rikala Mozart nampi pesenan punika, Mozart sampun boten saras malih. Amargi gadhah pesenan sanès, Mozart saweg saged nyerat requiem punika rikala sangsaya sakit badanipun ngantos séda. Pungkasanipun karya punika dipunbibaraken déning Franz Xaver Süssmayr. Piyambakipun salah satunggiling siswanipun.

 
Wikipedia
Artikel punika, artikel dhasar ingkang kedah dipundarbèni sadaya basa.