Worm utawa cacing komputer ya iku salah sijiné program komputer uga kalebu péranganing malware.[1] Program iki mbebayani mligi bisa nyalin kaping pirang-pirang, ing drive lokal, jaringan, é-mail, utawa internèt.[1] Program iki migunakaké jaringan komputer kanggo ngirémaké salinan awaké dhéwé ing node liyané lan bisa nginfèksi tanpa dingertèni user.[1] Ancas saka worm ya iku kanggo produksi, ora kaya virus kang nyoba nginfèksi, nanging nyalin kodhe èmbed ing jero file liyané.[1] Bab iki disebapaké déning kelemahan keamanan ing komputer targèt.[1] worm ora nginfèksi file utawa modifikasi file nanging marakaké rugi déning jaringan amarga worm bakal mangan bandwith jaringan, sahéngga ngakibataké speed internet lemot utawa suwi.[1] Jinis worm kang paling umum ya iku worm émail. Jumbuh karo jinisé, worm émail ora nulari file liyané kaya déné virus nanging worm mung gawé salinan dèwèké kanti terus-terusan.[1] Worm émail nglakokaké taktik prasaja.[1] Bayangké yèn émail salah sijiné wong kang kainfèksi lan duwé 20 alamat émail kang tinemu ing sistemé.[1] mangka worm bakal ngirim salinan dèwèké ing alamat mau.[1] Yèn salah sijiné émail penerima terinfèksi, mangka bakal ngirimaké utawa nyebaraké salinan worm marang kanca-kancané tanpa disadari.[1]

Worm

Kerusakan kang Diakibataké besut

  • Ranté Émail Massive

Worm komputer migunakaké pira-pira cara kanggo bisa lumebu ing jero file cache web lan berusaha golèk alamat é-mail kurban, utawa ngrayu kurban supaya mbukak é-mail katentu kanti judhul kang gawé penasaran. Sak wisé iku, worm bébas kanggo ngirim é-mail marang kabèh pratélan kang ana ing kontak kanggo nyebaraké awaké déwéné.

  • Ngehapus file

Worm bisa ngehapus file. Worm nyusup ing komputer lan banjur menimpa file kanti ekstensi katentu, kaya ta EXE, jpeg lan akèh jinis èstènsi liyané. The conficker worm ya iku salah sijiné jinis saka worm kang ngehapus lan ngenonaktifaké file.

  • Nyolong informasi

Nyolong informasi wujud anceman kang serius kang kerep dikaétaké karo worm. Jinis informasi kang dicoolong wiwit saka kang cilik kaya ta alamat e-mail utawa password game, nganti kang gedhé kaya ta nomer kartu kredit.

  • Lockout

Lockout kedadéan nalika worm ngganti password e-mail komputer kurban. Ika marakaké kurban ora bisa lumebu ing é-mailé utawa komputeré.

  • Mass Histeria

Mass Hysteria (histeria massa) lan kebingungn donya ya iku salah sijiné kang bisa dikaétaké karo worm komputer, mligi yèn worm nginfèksi komputer kanti rikat lan ora dingertèni. salah sijiné conto worm jinis iki ya iku worm Morris kang bisa matèni internèt kanggo pirang-pirang dina.[2]

Cara Ndetèksi Worm besut

  • Periksa kecepetan kinerjané komputer

Yèn komputer perlu wektu luwih suwi saka racaké kanggo reboot utawa konèksi ing internet, mangka iku ciri-ciri komputer wis kena utawa kainfèksi worm.

Yèn ing layar terus-terusan nonton pop-up, kemungkinan komputer wis kanfèksi worm. Program-program iki bisa mbebayani amarga bisa nonton pakulinan surfing lan bisa nyolong data.

  • Ikon shortcut utawa homepage kang béda.
  • Ngati-ati ing objèk komputer kang angèl dihapus.
  • Delenga indikator lampuing komputer

Yèn dideleng ana tanda send utawarecive berkedip sanajan ora ana aktivitas, iki mungkin ana aktivitas ing jero komputer kang tanpa dipréntah.[3]

Cathetan sikil besut

  1. a b c d e f g h i j k [1], Kaunduh 16/10/12.
  2. [2], (Kaunduh 31/10/12).
  3. [Sumber: http://bumbata.com/13471/6-tips-mendeteksi-worm-pada-komputer-anda/#ixzz2ApIYGJGm], (Kaunduh 31/10/12).