Yakgwa (약과) ya iku jinis roti tradhisional kas Koréa (hangwa) kang digawé saka glepung gandum, madu lan lenga wijen.[1][2] Roti iki lumrahé disuguhake nalika karaméan acara-acara wigati ing masarakat Koréa.[1] Sejarahe, roti iki wis digawé kawit jaman Dinasti Goryeo (935-1397) lan katulis ing dhokumèn-dhokumèn kuna.[1] Roti iki dianggep istimewa lan digunakaké déning raja ing upacara persembahan ing kuil Buda. Ing Cina, yakgwa dikenal kanthi aran Goryeobyeong (kue Goryeo).[1] Nalika iku yakgwa digawé kanthi wujud manuk, karper utawa woh-wohan.[1] Ing mangsa Dinasti Joseon (1397-1910), roti iki digawé kanthi wujud krisan kang luwih prasaja kanggo ancas ritual persembahan.[1] Ing jaman mau, yakgwa kang digawé saka bahan-bahan kaya ta gandum, madu lan lenga wijen, dianggep mewah déning rakyat mula ing swijining wektu nalika rega barang mundhak lan nyebabake rakyat dadi kaliren, roti iki ora olih digawé manèh.[1]

Yakgwa

Prosès gawé besut

Glepung gandum digawé dadi adonan lan dicampurake karo arak kang duwé kualitas apik, dicetak, lan digoreng nganti mateng. Sawisé iku roti dicelupake ing madu kang wis dicampuri sari jahe, bubuk kayu legi lan mrica ireng.[1] Kanggo nambahi rerenggan, lumahing roti dilapisi kacang cemara.[1]

Uga delengen besut

Rujukan besut

  1. a b c d e f g h i An Illustrated Guide to Korean Culture - 233 traditional key words. Seoul: Hakgojae Publishing Co. 2002. kc. 114–115. ISBN 89-8546-98-1. {{cite book}}: Check |isbn= value: length (pitulung)
  2. Yakgwa[pranala mati permanèn], kbs. Diundhuh tanggal 9 Juni 2010.