Wikipédia

Yeongsanjae

Yeongsanjae inggih punika upacara ritual agama Buda ingkang dipunwontenaken ing Kuil Bongwon, Seoul, Koréa Kidul.[1] Upacara wonten ing kapitadosan Buda punika kanthi ancas paring persembahan dhumateng Buda supados nuntun gesangipun manungsa, ingkang taksih gesang lan ugi ingkang sampun tilar donya supados pikantuk katentreman.[2] Upacara punika dipunwontenaken kaliyan ritual bompae inggih punika melantunkan sutra Buda. Kalajengaken kaliyan nari jogèd ritual Nabichum, Barachum, Beobgochum lan Tajuchum.[3] Upacara punika minangka wujud Warisan Budaya Nonbendawi Koréa Kidul Nomor 50 taun 1973 lan ugi minangka Karya Agung Warisan Budaya Lisan lan Nonbendawi Manungsa UNESCO nalika taun 2005.[4]

Sutra Teratai

Sajarah besut

 
Kuil Bongwon.

Miturut kapitadosan Buda Koréa, Yeongsanjae inggih punika upacara dhedhasar nalika prastawa Buda paring khotbah Sutra Saddharma Pundarica (Sutra Teratai) ing Gunung Yeongsan (Gunung Gridhakuta) sadaya muridipun, makluk ingkang gesang wonten ing bumi lan langit rumaos bungah sanget bibar mirangaken khotbahipun.[5][6] Kembang Mandala mandhap saking langit Sakradevanan Indra saking sadaya donya, para Bodhisattva, déwa lan dewi ndhèrèk mandhap dhateng bumi kanggé maringi kembang lan dupa sarta nari kanggé Buda.[5] Sedaya kawontenan punika dipunmanifestasiaken dhateng satunggaling upacara ingkang dipunsebat Yeongsanjae.[5] Upacara punika kanthi ancas nglantaraken pesen babagan reinkarnasi lan pagesangan énggal wonten ing nirwana kanggé tiyang ingkang sampun tilar donya.[5] Kajawi punika upacara punika ugi kanthi ancas supados nuntun manungsa ingkang wonten ing bumi supados pikantuk pancerahan lan pambebasan saking karma, saéngga jiwa-jiwa sadaya makluk ing bumi, langit, sagara, lan alam baka saged slamet lan tentrem.[5]

Upacara Yeongsanjae nedahaken musik lan jogèd ritual ingkang nggabungaken ritual asli Koréa kaliyan Buda lajeng dipunwontenaken saben setaun kaping pisan ing Bongwonsa (Kuil Bongwon), Seoul.[1] Nalika jaman tengahan Dinasti Joseon, upacara ritual agama Buda dipunwontenaken kanthi ageng dhedhasar Sutra Teratai.[1] Kados ritual agami sanès, Yeongsanjae punika èksprèsi filosofi lan dhoktrin agama Buda kanthi ancas mahyakaken disiplin dhiri.[7]

Beompae besut

Ritual Beompae punika ngaturaken mantra tanpa tèks sinerat lan dipunwarisaken kanthi lésan.[8] Ritual Beompae kapérang dados mantra anchabi lan geotchaebi[8]. Anchabi punika sekawan nada musik Buda lan swantun andhap, déné geotchaebi punika mantra dawa.[8]

Jogèd besut

Jogèd ingkang dipunpentasaken wonten ing Yeongsanjae gunggungipun wonten 3 ingkang kairingan mantra lan piranti musik kados trompèt (taepyeongso), gong (jing), gendérang (buk), simbal lan moktak. Jogèd ingkang dipuntedahaken punika Nabichum, Barachum, lan Beopgochum.

Cathetan suku besut

  1. ↑ a b c Ko Chang-Soo (November 2001). "Jongmyo shrine music and Yeongsanjae Buddhist ritual". Proquest (ing basa Inggris). 18: 60–61. {{cite journal}}: Cite has empty unknown parameters: |lay-source=, |laysummary=, and |lay-date= (pitulung)
  2. ↑ Yeongsanjae Ceremony Archived 2011-07-22 at the Wayback Machine.,bongwonsa.
  3. ↑ Pompae and Buddhists dance, pompae.
  4. ↑ Asia sweeps the World Intangible Heritage list with 43 new inscriptions Archived 2009-10-29 at the Wayback Machine., unescobkk.
  5. ↑ a b c d e What is Yeongsanjae?, pompae.
  6. ↑ Bongwon-sa, lifeinkorea.
  7. ↑ Yeongsanjae, unesco.
  8. ↑ a b c Pompae, pompae.

Pranala njawi besut

Cithakan:Karya Agung Warisan Budaya Lisan dan Nonbendawi Manusia Koréa Kidul

Dijupuk saka "https://jv.wikipedia.org/w/index.php?title=Yeongsanjae&oldid=1664167"