Zaid bin Tsabit

Zaid bin Tsabit an-Najjari al-Anshari (611665), (Basa Arab: زيد بن ثابت), utawa kang luwih kaloka kanthi jeneng Zaid bin Tsabit, ya iku salah siji sahabat Rasulullah SAW lan minangka panulis wahyu lan surat-surat Rasulullah SAW.

Mangsa wiwitan besut

Zaid bin Tsabit minangka keturunan Bani Najjar, kang wiwit manggon bebarengan karo Muhammad nalika dhèwèké ijrah ing Madinah. Nalika umur 11 taun, Zaid bin Tsabit diwartakake wis bisa apal 11 surah Kuran. Zaid bin Tsabit mèlu Muhammad sajeroning paperangan Khandaq lan paperangan-paperangan liyané. Ing paperangan Tabuk, Muhammad menehake gendéra Bani Najjar kang sadurungé digawa déning Umarah marang Zaid bin Tsabit. Nalika Umarah takon marang Rasulullah SAW, panjenengané ngendikan: "Kuran kudu diutamakake, déné Zaid luwih akèh apal Kuran tinimbang sira."

Panulis wahyu besut

Kakuwatan daya eling Zaid bin Tsabit wis ndadèkaké dhèwèké diangkat dadi panulis wahyu lan surat-surat Muhammad samangsa uripé, lan ndadèkaké dhèwèké tokoh kang paling misuwur ing antarané para sahabat liyané. Diriwayatake déning Zaid bin Tsabit yèn:

Rasulullah SAW ngendika marang sira "Aku ngirim surat marang wong, lan aku kuwatir, wong-wong kae bakal nambah utawa ngurangi surat-suratku iku, mula sinaonana basa Suryani", banjur aku nyinaonine nganti 17 dina, lan basa Ibrani nganti 15 dina.

Ing dina candhaké ing jaman kakhalifahan Abu Bakar lan Umar, Zaid bin Tsabit ya iku salah siji wong kang diamanahake kanggo ngumpulake lan nulisaké manèh Kuran sajeroning siji mushaf. Ing perang Al-Yamamah akèh pangapal Kuran kang tiwas, saéngga ndadèkaké Umar bin Khattab bingung lan ngusulake marang Abu Bakar saperlu ngumpulake Kuran sadurungé para pangapal liyané tiwas. Wong-wong mau banjur ngundang Zaid bin Tsabit lan Abu Bakar ngendikan marang dhèwèké:

"Sira ya iku sawijing pamudha kang limpad lan aku ora ragu-ragu marang sira".

Sawisé iku Abu Bakar ngutus Zaid bin Tsabit supaya ngumpulake Kuran. Sanajan wiwitane dhèwèké nampik, nanging sawisé diyakinake, pungkasané Zaid bin Tsabit kanthi tetulungan sapérangan wong liyané, nindakaké tugas mau.

Pejabat besut

Zaid bin Tsabit diangkat dadi bendahara ing jaman pamerentahan Khalifah Abu Bakar lan Khalifah Umar. Nalika pamerentahan Khalifah Utsman, Zaid bin Tsabit diangkat dadi pangurus Baitul Maal. Umar lan Utsman uga ngangkat Zaid bin Tsabit minangka panyekel kalungguhan khalifah sawatara nalika padha nindakaké ngibadah kaji.

Wafat besut

Zaid bin Tsabit séda taun 15 Hijriyah. Putrane, Kharijah bin Zaid, dadi siji tabi'in gedhé lan salah siji ing antarané pitu ulama fiqih Madinah ing mangsane.

Réferènsi besut

  • Mursi, Muhammad Sa'id. Tokoh-tokoh Besar Islam Sepanjang Sajarah. Penerjemah: Khoirul Amru Harahap, Lc, MHI dan Achmad Faozan, Lc, M.Ag. Editor: Muhammad Ihsan, Lc. Cet. 1, Jakarta: Pustaka Al-Kautsar, 2007. ISBN 979-592-387-0

Pranala njaba besut