Éropah mawa kacepetan séjé-séjé
Éropa mawa kacepetan séjé-séjé iku tegesé sajeroning kontèks Uni Éropa, kadar integrasiné nagara-nagara anggotané béda-béda, miturut kaanan pulitik ing nagarané dhéwé-dhéwé. Alesané iku kanggo nyegah supaya aja ana nagara-nagara sing ngalangi sawatara integrasi sing dipéngini nagara liyané. Saiki iki, Éropa mawa kacepetan séjé-séjé iku sawijining kanyatan sing ora bisa dipungkiri. Buktiné sawatara nagara kalebu Zona Euro lan nagara liyané mèlu Kawasan Schengen.
Rong Éropa
besut- Éropa-intisari
- Ing modèl iki ana sawatara golongan nagara-nagara UE sing luwih jero integrasiné tinimbang nagara-nagara liyané. Golongan intisari iki contoné bisa ngedegaké lembaga-lembaga dhéwé-dhéwé. Dadi mengko bisa diarani féderasi sajeroning konféderasi. Guy Verhofstadt iku nyengkuyung modèl iki. Dhèwèké ngandaraké supaya diadegaké Nagara Éropa Sarékat, sajaroning Organisasi Nagara-Nagara Éropa.[1]
- Integrasi sing séjé-séjé
- Ing modèl iki ana sawatara golongan nagara-nagara sing luwih jero kadar integrasiné ing sawatara kawasan. Contoné ana golongan nagara sing luwih raket olèhé nyambut gawé bebarengan ing wewengkon pajeg, lan liyané ing wewengkon panjaga. Modèl iki luwih gampang amarga ora kabèh anggotané kudu sarujuk. Modèl iki uga diarani Europe à la carte, kaya déné wong milih panganan ing menu rèstoran. Dadi ora usah milih pakèt pepak.[2]
Sajatiné Uni Éropa wis milih modèl integrasi sing séjé-séjé. Buktiné ana nyambut gawé bebarengan prakara valuta bebarengen Euro lan Prajanjèn Schengen.
Réferènsi
besut- ↑ (ing basa Walanda) G. Verhofstadt, "De Verenigde Staten van Europa", (2005), p. 89
- ↑ (ing basa Walanda) Europa-NU: Europa "à la carte"
Pratélan tetembungan
besut| Basa Jawa | Bahasa Indonesia | English | Nederlands |
|---|---|---|---|
| nyambut gawé bebarengan | kerjasama | cooperation, collaboration/ to cooperate, to collaborate | samenwerking / samenwerken |
| panjaga | pertahanan | defense | defensie |