Achdiat Karta Mihardja

Achdiat Karta Mihardja (utawa Achdiat K. Miharja) ya iku penganggit novèl Atheis. Dhèwèké lair ana Cibatu, Garut, Jawa Kulon ing 6 Maret 1911. Dhèwèké akèh nulis karya sastra uga ésai ngenani sastra lan kabudayan.

Pawiyatan

Achdiat miwiti pawiyatané ana HIS Bandung lan rampung taun 1925, banjur lumebu AMS pérangan Sastra lan Kabudayan Wétan ana Sala ing taun 1932. Dhèwèké nyinaoni ajaran tarékat Kadariyyah-Naksyahbandi saka K. H. Abdullah Mubarok, uga naté sinau filsafat saka Prof. Beerling lan Pastur Dr. Jacobs S. J., dhosèn filsafat Theisme ana Universitas Indonesia. Dhèwèké sinau basa lan sastra Inggris sarta karang-ngarang ana Australia.

Pendidikan AMS-A Sala lan Fakultas Sastra lan Filsafat UI, piyambakipun naté nyambut damel dados guru Taman Siswa, redaktur Balai Pustaka, Kepala Jawatan Kebudayaan Perwakilan Jakarta Raya, dhosèn Fakultas Sastra UI (1956-1961), lan wiwit taun 1961 ngantos pensiun dados dhosèn kesusastraan Indonésia wonten ing Australian National University, Canberra, Australia. Achdiat ugi naté dados redaktur koran Bintang Timur lan kalawarti Gelombang Zaman (Garut), Spektra, Pujangga Baru, Konfrontasi, lan Indonésia. Sanèsipun punika, piyambakipun naté dados Ketua PEN Club Indonésia, Wakil Ketua Organisasi Pengarang Indonésia, anggota BMKN, angggota Parté Sosialis Indonésia, lan wakil Indonésia wonten ing Konggrès PEN Club Internasional ing Lausanne, Switserlan (1951).

Karya

Kumpulan cerpenipun, Keretakan dan Ketegangan (1956) pikantuk Bebungah Sastra BMKN taun 1957 lan novèl Atheis (1949) nampi Bebungah Tahunan Pamaréntah RI taun 1969 (R.J. Maguire nerjemahaken novèl punika dhumateng basa Inggris taun 1972 lan dipundamel filem déning Sjuman Djaya ing taun 1974). Ing ngisor iki karya-karyané Achdiat Karta Mihardja:

Novèl

1. Atheis (1949)
2. Debu Cinta Bertebaran (1973)

Carita cekak

Ing antologi

1. Keretakan dan Ketegangan (1956)
2. Kesan dan Kenangan (1960)
3. Belitan Nasib (1975)
4. Pembunuh dan Anjing Hitam (1975)

Ing kalawarta

1. Pak Sarkam (ing Poedjangga Baroe, No. 5, Tahun XIII,1951)
2. Buku Tuan X (ing Poedjangga Baroe, No. 7-8, Tahun IV, 1953)
3. Salim, Norma, Sophie (ing Prosa, No. 2, Tahun I, 1953)
4. Sutedjo dan Rukmini (ing Indonesia, No. 8-9, 1953)
5. Bekas Wartawan Sudirun (ing Indonesia, Tahun IV, 1963)
6. Ajah Menjusul (ing Konfrontasi, No. 18, 1957)
7. Si Pemabok (ing Varia, No. 104, Tahun III, 1960)
8. Latihan Melukis (ing Budaya Jaya, No. 47, Tahun V, 1972)

Drama

1. Bentrokan dalam Asmara (1952)
2. Pak Dulah in Extremis (1959)
3. Kulawarga R. Sastro (1959)

Ésai

1. Polemik Kebudajaan (1948, minangka pambesut)
2. Prabawa Kebudayaan Feodal (1948)