Agus Suprihono

Agus Suprihono duwé asma jangkep Raden Agus Suprihono. Ramané asma Usup (alm.), sawijiné pegawé Departemen Agraria, lulusan HIS kang nggilut agama Islam. Sawetara ibuné dadi bakul (pedagang) kanthi asma Sa’diyah. Wiwit miyos ing tanggal 9 Oktober 1961 nganti saiki, panjenengané tetep manggon ing désané yaiku Seyegan, Margokaton, Sléman, Yogyakarta. Agus Suprihono mundhut garwa sawijiné kenya aran Arlin Kuwatik nalika tanggal 10 Oktober 1991 lan kagungan putra loro.[1]

PawiyatanBesut

Pendhidhikan formalé Agus Suprihono kawiwitan ing SD Margaagung II, Sléman, Yogyakarta (lulus 1973), SMP negeri Seyegan (lulus 1976), lan SMA Negeri 1 Sléman (lulus 1980). Sawisé SMA  panjenengané ora nerusaké ing pawiyatan luhur, nanging nggolek pagawéyan apa waé. Panjenengané tau kerja ing bagean tata usaha  SMK Maárif Sléman (1988), uga tau dadi paraga panyengkuyung (piguran) sajrone sinétron, dadi tukang loper Koran, lan liya liyané. Saiki panjenengané mbukak usaha pangetikan ing dalemé, kadhang-kadhang uga disambi dadi tukang ndandani mesin ketik ing kantor.

KaryaBesut

Agus Suprihono ngakoni yen bakat nulisé tuwuh wiwit kelas siji SMA. Wiwit taun 1983 karya-karyané sing abasa Indonesia wis akèh dimot ing Jawa Pos, Anita Cemerlang, Aneka Ria, Sinar Pagi, Gadis, Nova, Citra, lan Kawanku. Panjenengané nulis sastra Jawa wiwit 1993 lan karyané kang kapisan dimot ing Djaka Lodhang. Nganti saiki, karyané wis cukup akèh sanajan ora prodhuktip. Nanging panjenengané kasil nerbitaké novél Hera-Heru (Taman Budaya Yogyakarta, 2001). Novél iki wiwitané minangka karya kang diélokaké ing Lomba Panulisan Novél Nganggo Basa Jawa kang dianakaké déning Taman Budaya Yogyakarta (1988) sajroné Kongrés Basa Jawa III ing Yogyakarta.

RujukanBesut

  1. Suwondo, Tirto; Widati, Sri (2006). Antologi Biografi Pengarang Sastra Jawa Modern. Yogyakarta: Adi Wacana. p. 73. ISBN 9799960487.