Aia Kawa
Aia Kawa utawi kawa godhong, inggih punika unjukan ingkang dipundamel saking ron (godhong) kopi ingkang dipunsedhuh kadosdene teh. Ron kopi lokal pilihan wiwitanipun dipungaringaken kanthi cara dipunsangrai sedangunipun 12 jam. Nalika badhe dipununjuk, ron ingkang sampun garing punika dipuncampur kaliyan toya adhem, salajengipun dipunseduh kanthi ngginakaken toya ingkang sampun umub.[1]
Sajarah besut
Kopi kawa utawi masyarakat ingkang samenika mastani kopi kawan punika kalebet kabudayan lawas masyarakat wonten ing bab berkebun lan punika selaras kaliyan kabudayan tiyang ngunjuk teh. Dados saderengipun VOC mlebet, kabudayan bab ngunjuk ron kopi punika sampun wonten, malah rawuhipun VOC punika paring piwulang dhumateng masyarakat bilih ingkang dipunmanfaataken saking wit kopi punika wohipun sanès ronipun. Wonten kalepatan publik ingkang nggayutaken ron kawa/aia kawa kaliyan wontenipun tanam paksa wonten ing kuasaning kolonial Belanda. Penduduk wonten ing Sumatra Kulon dipunpenging kanggé ngarosaken wiji kopi kanggé piyambakan sinaosa dipunpeksa kanggé nandur kanggé perlu perdagangan. Paugeran (peraturan) punika dipunakali kanthi ngginakaken ron kopi ingkang dipunpitadosi tasih gadhah kandhutan kafein.[2]
Tradisi ngunjuk besut
Unjukan punika dipunsruput nalika kahanaipun nembe adhem wonten ing dangau-dangau. Cara anggénipun nyawisaken punika boten mawi gelas utawi mangkok nanging ngginakaken bathok kambil ingkang sampun dipunwilah dados kalih. Bathok punika dipunparingi tatakan saking pring. Aia kawa punika saged dipunrahapi ngginakaken gula utawi saged dipununjuk tanpa gula, dipunrencangi manéka jajanan.[2]
Rujukan besut
- ↑ Hangatnya Seduhan Daun Kopi Aia Kawa Daun dari Ranah Minang, diakses dari situs berita Republika
- ↑ a b "Kawa Daun, Sejarah di Sayak Tempurung, diakses dari situs berita Harian Singgalang". Diarsip saka sing asli ing 2013-01-23. Dibukak ing 2018-01-05.